Tera ae Ko Nooria?
Ngkana ti kamatebwai ao n iangoi kanikina n taian otenanti n te euangkerio, ara iango a boboto iaon Iesu Kristo.
Ibukina bwa kanikina a otabwaniniira, n tabetai ti aki kabanei ara iango iai. Ma ngkana ti karaurau n iangoia nakon kanikina n te euangkerio e kona n riki bwa te king nakon kabuburan riki te atatai.
N boki aika a tabu taeka n aekan karinaan, nuun, emburem, token, kanikina, taeka ni kaikonaki, kannuringa, kakoaua, ke kakoaua ni kabwarabwara te bwai are e nanonaki n te iango ke kabwarabwaran te bwai ae e nanonaki nakon oin ara iango are e kaeineti bwai naako (tara Moses 6:63). Te katoto, ngke e moan kabwarabwara te toa n te Kabanea n Amwarake, E anganiia Ana abotoro te kariki n tatabeutai bwa a na kanna man taku “Rabatau aei, ae I anga ibukimi; kam na karaoa aei bwa kan uringau” (Ruka 22:19). Ngkai, e ataaki bwa te kariki bon tiaki raoi Rabwatana; ngke E kangai, e kananonaaki ni kauring nakoira n Rabwana—ao a mwaiti riki. Anne ae kamwaakai kanikina—a reitaki n akea te taetae ao a kakiai aekakin nako iango aika a mwaiti n teuana te tai, ni kananoi ao nanoia.
E koaua, otenanti bon tiaki tii kanikina, a tei ibukin mwaaka ni kakabwaiaira rinanon kariaia n te nakoanibonga. Ma iai naba kanikina ake a reireinaiira taekan te Tia Kamaiu ao taekan ara berita ae tabu. Aron naba are ko tei ibukina ke ni karekea te otenanti n te nakoanibonga bon te kanikina ae oti n ana onimaki te aomata ao te nanorinano. Aikai tabeua man kanikina aika a mwaiti ake a irekereke ma otenanti n te bwabetito, kamatoa, ao te toa, ao aron naba tabeua n iango ake a irekereke ma ngaiia.
Bwabetito
Ran: uatiaki, tebokaki, kaitiakaki man te bure
Kunnikai mainaina: kaitiakaki (“bwa akea te aomata ae e kona ni kamaiuaki ma ti ngkana e tebokaki ni kamainanaki ana kunikai … [ao] kaitiakaki raoi … rinanon raraan [Kristo]” [Aramwa 5:21]); titebo (bwa te toro ke te inaomata, ni kabane titebo aroia imatan te Atua” [2 Nibwaai 26:33])
Kateibai n te angatai: kaineti nako karawa, kakoaua nako karawa; kanikinaean naba te berita (tara Karikanbwai 14:22; Taniera 12:7)
Kateboaki: maten, taunakin, ao Manga Utin Kristo (tara I-Rom 6:3–4); Manga bungiakira n te maiu n tamnei inanon Kristo (“bungiaki n te ran” [Ioane 3:5])
Kamatoaki
Katokabai: katokabai irouia naake ana tia tei te Atua, anga kakabwaia mai iroun te Atua nakoia tabeman
Karekean ana bwaintangira te Tamnei ae Raoiroi: aranaki “bwabetito n te ai” (tara 2 Nibwaai 31:13); kaitiakaki ao te manga bungiaki n te tamnei inanon Kristo
Te Toa
Katokaante kariki ao te ran imataia kaain te taromauri: e kanikinaean Ana karea Kristo are kakororaoa te angakarea n te katuturara (taraa Aramwa 34 :13–14); ti a uota ngkai te karea nakon te Uea … are te nano ae uruaki ao te tamnei ae raraoma (D&C 59:8)
Uruan te kariki: E kurakai Rabwatan Kisto ibukira, Matena n rabwata, Manga Utina bwa ti aonga ni manga maiu
Katorobubua n tataro: nanorinano, Irakin Nanon te Atua, kanikinaean te berita ae akea tokina (tara D&C 88:131)
Kanakin te kariki: kauringan rabwatan Iesu Kristo (tara Matthew 26:26–29), te berena ni kamaiu (“ao ane e nakoiu ao e na bon aki baki” [Ioane 6:35], “ane kana te kariki aio e na maiu n aki toki” [Ioane 6:58])
Nnimakin te ran (ngkoa te wain): raraan Kristo (kawawaeaki i Keketemwane, n ana tai ni bwainikirinaki inanon baia tautia, ao iaon te kaibangaki) are e “kaitiakiira ngaira man ara bure ni kabane” (1 Ioane 1:7) ao “e mena n ana berita are e tabu te Tama ibukin kamaunaan [ami] bure (Moronai 10:33); rara kanga “kaintekatekan te maiu ke te korakra ae kakaawaki n te iriko ni kabane” (Guide to the Scriptures, “Rara”; scriptures.lds.org) are e karaoa kabwaran aia bure rinanon anganano (tara Nakoaia Ibonga 17:11); koburake n ran (tara Ioane 4:14)