Notebook sa Abril 2014 nga Komperensya

“Unsa nga Ako ang Ginoo namulong, Ako namulong; … bisan pinaagi sa akong kaugalingon nga tingog o pinaagi sa tingog sa akong mga sulugoon, kini managsama ra” (D&P 1:38).

Samtang kamo magribyu sa kinatibuk-ang komperensya sa Abril 2014, inyong magamit kining mga pahina (ug mga Notebook sa Komperensya sa umaabut nga mga isyu) aron sa pagtabang kaninyo sa pagtuon ug paggamit sa bag-o nga mga pagtulun-an sa buhi nga mga propeta ug mga apostoles ug ubang mga lider sa Simbahan.

Sa pagbasa, pagtan-aw, pagpaminaw, o pagpakigbahin sa mga pakigpulong sa kinatibuk-ang komperensya, bisitaha ang conference.lds.org.

Proteksyon gikan sa Pornograpiya

“Unsaon nato pagpanalipod sa atong mga anak ug kabatan-onan? … Ang pinakamaayong filter sa kalibutan, ug ang pinakaepektibo, mao ang personal nga filter nga naggikan sa kahiladman ug sa malungtarong pagpamatuod sa gugma sa atong Langitnong Amahan ug sa maulaong sakripisyo sa atong Manluluwas sa matag usa kanato. …

“… Kinahanglan kong mopamatuod sa mga panalangin sa inadlawng pagtuon sa kasulatan, pag-ampo, ug sa sinemana nga family home evening. Mao gayud kini ang mga buhat nga makawagtang sa kakapoy, mogiya sa atong kinabuhi, ug sa dugang nga proteksyon sa atong panimalay.”

Linda S. Reeves, ikaduhang magtatambag sa kinatibuk-ang kapangulohan sa Relief Society, “Panalipod gikan sa Pornograpiya—usa ka Panimalay nga Nag-focus kang Kristo,” Liahona, Mayo 2014, 16–17.

Pagkaplag og tabang para sa mga indibidwal ug mga pamilya aron makabuntog sa pornograpiya sa lds.org/go/overcome914.

Mga Tubag alang Kaninyo

Matag komperensya, ang mga propeta ug mga apostoles maghatag og dinasig nga mga tubag sa posible nga mga pangutana sa mga miyembro sa Simbahan. Gamita ang inyong isyu sa Mayo 2014 o bisitaha ang conference.lds.org aron makakita og mga tubag niining mga pangutana:

• Unsaon nako pagpanalipod ang akong mga pagtuo uban sa maayong pamatasan ug kamanggiloy-on? Tan-awa sa lds.org/go/holland914 o tan-awa sa Jeffrey R. Holland, “Ang Bili—ug mga Panalangin—sa Pagkadisipulo,” 6.

• Sa unsang paagi nga ang Pag-ula ni Jesukristo makatabang kanato nga mahimong epektibo nga tinubdan sa pagpakigbahin sa kamatuoran? Tan-awa sa lds.org/go/scott914 o tan-awa sa Richard G. Scott, “Usa Ka Panig-ingnan ang Akong Gihatag Kaninyo,” 32.

Paghimo og Tsart sa Dalan sa Pakigsaad para sa Inyong Pamilya

“Kining yano nga buluhaton nakatabang ni Lesa ug nako sa pagtuman sa among tahas sa pagtabang sa kada sakop sa among pamilya subay sa dalan sa pakigsaad, nga adunay plano nga buhaton para kada usa nila.” —Bishop Gary E. Stevenson, Presiding Bishop, “Ang Inyong Upat ka Minuto,” 86.

1. Paghimo og duha ka kolum sa usa ka piraso nga papel: “Pangalan” ug “Plano alang sa sunod o gikinahanglan nga ordinansa.”

2. Paglista sa matag sakop sa pamilya kinsa kinahanglan nga bunyagan, ordinahan sa priesthood, modawat og endowment sa templo, o i-sealed.

3. Pagpahigayon og mga panaghisgut sa pamilya, mga leksyon sa family home evening, o mohimo og uban pang mga pagpangandam sa pagdawat sa mahinungdanon nga mga ordinansa diha sa inyong pamilya.

Ubos: litrato sa snow pinaagi ni Andrew Park/iStock/Thinkstock; litrato sa mga bulak pinaagi sa neirfy/iStock/THinkstock

• Pasalamat

• Ang Pag-ula ug mga Pakigsaad