Unsaon nako sa pagpakita og gugma sa mga tawo nga dili mabination ngari kanako?

Ang Manluluwas mitudlo: “Higugmaa ninyo ang inyong mga kaaway, ug pag-ampo kamo alang sa mga magalutos kaninyo” (Mateo 5:44). Kini nga sugo dili sayon nga sundon, tungod kay kini sukwahi sa atong kinaiya—nga, sukwahi sa kinaiyanhon nga tawo (tan-awa sa Mosiah 3:19). Busa asa kita magsugod? Ania ang pipila ka mga ideya.

• Paningkamot nga lantawon ang tanang tawo isip mga anak sa Langitnong Amahan. Dili lang kini maayo nga ideya; kini ang reyalidad. Ikulit kini diha sa inyong kasingkasing, ug ang inyong inter-aksyon mausab.

• Pag-ila nga ang matang sa gugma nga gisugo kanato sa Manluluwas nga maanaa kita sa tinuoray usa ka gasa gikan sa Dios, busa “pag-ampo ngadto sa Amahan uban sa tibuok kusog sa kasingkasing, nga [kamo] unta mapuno niini nga gugma, diin siya mitugyan diha sa tanan kinsa tinuod nga mga sumusunod sa iyang Anak, nga si Jesukristo” (Moroni 7:48).

• Pangita og gagmay nga mga paagi sa pagserbisyo niadtong dili mabination. Wala kamo masayud nga kini makatabang nila nga mausab, apan bisan kon sila wala mausab, kamo nahimong mas buotan tungod sa inyong pagkamabination.

• Pagpakigbahin sa ebanghelyo ngadto kanila, bisan lang sa pagsulti og direkta ug lig-on nga pagpamatuod sa yano nga kamatuoran—sama sa, “Kitang tanan mga anak sa Dios.”