Nagserbisyo Ko Pag-usab
Ang tagsulat nagpuyo sa Rio Grande do Norte, Brazil.
Usa ka adlaw, human sa usa ka proyekto sa pagserbisyo, naglakaw ko agi sa atong meetinghouse ug nakakita og duha ka sister nga nanglimpyo sa building. Misangpit dayon ko: “Sisters, nanginahanglan mo og tabang?” Usa nila mipahiyom nako ug miingon nga sakto ra gyud akong pag-abut tungod kay sila ra ang nanglimpyo ug gikapoy na sila kaayo. Siya miingon nga siya nag-ampo nga ang Ginoo mopadala og tawo aron motabang. Nalipay ko kaayo nga nahimong tubag sa iyang pag-ampo. Bag-ohay lang ko nakahuman og serbisyo sa uban ug gikapoy usab og maayo, apan gisunod nako akong kasingkasing ug mas miserbisyo.
Usa kini ka sugo nga magmalipayong magtrabaho (tan-awa sa D&P 24:7). Kon kita adunay tinguha nga moserbisyo sa tanang panahon, kita makatabang nga mahitabo ang milagro sa kinabuhi sa ubang mga tawo. Ang atong kinabuhi nahimong mas makahuluganon kon kita moserbisyo. Ang Ginoo naghigugma gayud kanato, Siya motabang sa tanan Niyang anak, ug Siya mohatag kanato og kalig-on sa pagserbisyo.