Ta tatou api
I te hoê mahana, i muri noa mai i to’u bapetizoraa, tei ô vau i to’u tupuna vahine ra, e ua pou oia i te tahua no raro no te tii mai i te tahi ohipa. Ua marua atura oia e aita i nehenehe ia’na ia ti‘a faahou mai. Ua tuô mai oia ia’u, te mata‘ita‘i ra vau i te afata teata e aita vau i faaroo i to’na reo. E 10 minuti i muri mai, ua faaroo vau i to’u i‘oa, mai te reo marû, « Tom ! » Ua haere au e hi‘o ia’na, e te tarava ra oia i ni‘a i te tahua. Aita i navaʻi to’u puai no te faati‘a mai ia’na, e no reira, ua horo vau i te fare i piha‘i iho mai. Ua haere mai teie vahine no te faati‘a i to’u mama ruau.
Ua parau mai to’u mama ruau e, « e Tom, te reo ta oe i faaroo, o te Varua Maitai ïa. Ua atea roa hoʻi au no te faaroo mai oe i to’u reo ».
Ua ite au e, o te Varua Maitai tei muhumuhu mai i roto i to’u tariʻa. I teie nei, ua bapetizohia vau, e ua oaoa vau i te fariiraa i te horo‘araa o te Varua Maitai.
Tom R., 8 matahiti, fenua Heremani
Natalia A., 10 matahiti, Colombia
Olivia I., 8 matahiti, no te fenua Roumania, e mea au na’na ia tauturu i to’na metua vahine ia tamâ i te fare. Te haapii ra to’na metua vahine ia’na e to’na na hoa e 13, e ia faafaaea rii ratou, e mea au na’na ia haʻuti mai te huru ra o oia te orometua haapii. E mea au na’na ia ratere e to’na na metua e ia haere e farerei i to’na mau metua tupuna. I te bapetizoraahia oia, te mana‘o tei tae mai, oia hoʻi, te parahi ra te Metua i te Ao ra i piha‘i iho ia’na, e ua mauruuru roa oia i te mea e, e ti‘a ia’na ia farii i te Varua Maitai no te tauturu ia’na ia rave i te mau faaotiraa maitai. Ta’na himene au roa a‘e, o te himene ïa « Suis les prophètes » (Chants pour les enfants, 58).
Liu C., 7 matahiti, Equateur
Thierry M., 7 matahiti, no te fenua Beresiria, e mea au na’na ia haere i te Paraimere e ia himene i te mau himene. Ua ite oia e, e fare no te Fatu te hiero.
E mea au na’u ia haere i te pureraa e to’u utuafare e ia haapii i te parau no Iesu Mesia. I te fare e mea au na’u ia taiʻo e ia haapii mai i te mau aamu no te papaʻiraa moʻa, ia himene i te mau himene, e ia haʻuti i roto i te pureraa pô utuafare. Ua haamaitai te evanelia a Iesu Mesia i to’u utuafare e ua faatupu te reira i te oaoa i roto ia’u. Ua horo‘a vau i te Buka a Moromona i e toru o to’u mau orometua haapii i ta’u fare haapiiraa, e i te utuafare atoa o to’u hoa rahi, o Miguel.
Martim P., 6 matahiti, fenua Potiti