Te mau manaʻo no te pureraa pô utuafare

I roto i teie veʻa te vai nei te mau parau papaʻi e te mau ohiparaa o te nehenehe e faaohipahia no te pureraa pô utuafare. Teie e piti mana‘o.

 « Te aamu utuafare—Te rave nei au i te reira », api 58 : Rauti i te hoê ohipa mai te hoê papa‘i veʻa ! Faaitoito i te mau melo o te utuafare ia tapaʻopaʻo i te mau mea atoa no ni‘a i to ratou oraraa—te hoê haamanaʻoraa no te mau matahiti na mua a‘e e aore râ te hoê ohipa tei tupu i ni‘a ia ratou i tera ra mahana. E tauturu i to outou utuafare ia maramarama e, ua rau te rave‘a no te faaî i te hoê buka aamu. E nehenehe ta ratou e papa‘ipaʻi, e patapata e aore râ e papa‘i i te hoho‘a i roto i te buka aamu, e aore râ e nehenehe atoa ta ratou e haruharu i te hoê aamu. A faaitoito i to outou utuafare ia tamau pinepine noa ratou i te tapaʻopaʻo i roto i to ratou buka aamu.

« Haapii rahi atu â no ni‘a i te mea e vai ra », api 64 : A opua ia faatupu i te hoê faaineineraa no te haere i te misioni mai ta te paroisa i Norevetia. E nehenehe ta outou ia haapii i te mau mea ta ratou atoa i haapii—ei hi‘oraa, nahea i te haamata i te hoê aparauraa no ni‘a i te evanelia e aore râ nahea i te auri i te ahu uouo—e aore râ, e nehenehe ta outou e faatumu i ni‘a i te tahi atu aravihi e tano no te haere i te misioni.

Na roto i to outou reo

Te vai nei te Liahona e te tahi atu mau materia a te Ekalesia na roto i te mau reo e rave rahi i ni‘a i te languages.lds.org.