Faaineine na mua i te pure

Te faahaamanaʻo mai nei te peresideni Eyring e, te pure, « e rave‘a te reira no te faa‘ite atu e no te farii mai i te parau, i rotopu i te Atua e Ta’na mau tamarii ». Ia ravehia te tahi taime no te faaineine no ta tatou mau pure, e riro te reira i te faatupu i teie aparauraa. E nehenehe e faa‘ohipahia te buka aamu, te tahi noa minuti, no te faaineineraa ia tatou ia pure i te mau mahana tata‘itahi. E nehenehe e hamani i te hoê tapura no te mau haamaitairaa ua mauruuru outou i te Metua i te Ao ra, te hoê tapura no te feia te hiaai nei i ta outou mau pure e te mau uiraa tei hinaarohia te pahonoraa. Ei reira, a titau manihini i te Varua na roto i te himeneraa i te hoê himene e aore râ na roto i te tai‘oraa i te tahi mau irava no te papa‘iraa mo‘a. Ia pure outou, a haapa‘o maitai nahea te Varua Maitai e arata‘i i ta outou mau parau, e a haapa‘o maitai i te mana‘o e tae mai i to outou feruriraa e i to outou aau (hi‘o PH&PF 8:2-3). A opua ia tapaʻopaʻo i te ohipa i tupu i roto i ta outou buka aamu ma te hi‘o atoa i te mau pahonoraa ta outou i farii. E nehenehe atoa ia faa‘ohipa i te mau ohiparaa e vai ra i te mau api 107-10 i roto Ia Poro Haere i Ta‘u nei Evanelia : Te hoê arata‘i no te ohipa misionare no te tauturu ia outou ia hi‘o i te huru o ta outou mau pure e no te haapii ia ite i te Varua Maitai.