Sam Tingting blong Famle Haos Naet

Magasin ia i gat ol stori mo ol aktiviti we oli save yusum long famle haos naet. Wanem i kam afta, hem i tu tingting blong yusum.

“Famle Histri—Mi Stap Mekem,” pej 58: !Holem wan aktiviti blong raet long jenol! Leftemap tingting blong ol famle memba blong rekodem eni samting abaot laef blong olgeta—wan memori blong ol yia we i pas finis o wan samting we i bin hapen long olgeta long dei ia. Helpem famle blong yu andastanem se i gat plante wei blong mekem jenol. Oli save raet, taep, o dro long jenol blong olgeta, o oli save rekodem olgeta bakegen taem oli talem wan stori wetem wan voes rekoda. Leftemap tingting blong famle blong yu blong gohed blong stap raet insaed jenol blong olgeta oltaem.

“Lanem Moa abaot Wanem i stap insaed,” pej 64: Tingting blong holem wan aktiviti blong rere long misin olsem we wod blong Nowei i bin mekem. Yu save tijim sem samting we oli bin tijim—olsem, olsem wanem blong statem storian abaot gospel o olsem wanem blong aeanem wan waet set—o yu save lukluk long ol nara skil we yu ting se ol famle memba blong yu bae i nidim blong save taem oli stap long misin fil.

Long Lanwis blong Yu

Liahonamo ol nara tul blong Jos oli stap long plante lanwis long www.languages.lds.org.