Ko ʻEtau Pēsí

Ne u ongoʻi fiefia ʻaupito lolotonga hoku papitaisó. Naʻá ku kiʻi ongoʻi lotosiʻi ʻi he kamatá, ka ʻi heʻeku hifo pē ki he vaí, naʻe mole ʻa e lotosiʻí. Naʻá ku ongoʻi malu ʻaupito ʻi he loto vai papitaisó. ʻOku ou ongoʻi fiefia ʻaupito ʻi heʻeku fili ke papitaisó. ʻOku ou ʻiloʻi ko e Siasi ʻo Sīsū Kalaisi ʻo e Kau Māʻoniʻoni ʻi he Ngaahi ʻAho Kimui Ní ʻoku moʻoni ia pea ʻoku ʻi ai ʻa e ʻOtua moʻui.

Neiliana V., taʻu 8, Palāsila

Naʻá ku ʻalu mo hoku fāmilí ki he temipalé, pea ʻoku ou ʻiloʻi ko e temipalé ko e fale moʻoni ia ʻo Sīsū Kalaisi.

Hēlame A., taʻu 5, Pelū

Ko e Fakatupú

Naʻe fakatupu ʻi he māʻoniʻoni ʻe he Tamai Hēvaní ʻa e māmani longomoʻuí ni.

Naʻá ne ʻomi ʻa e māmá ki he fakapoʻulí pea ngaohi ʻa e ʻataá, ʻōsení, mo e fonuá,

Mo e mahutafea ʻi he meʻa kehekehé mo e feliliuaki ʻi he ngaahi faʻahitaʻú ke tānaki atu ki he fiefiá.

Pea naʻe ʻi ai leva ʻa e laʻaá, māhiná, mo e ngaahi fetuʻú, mo e fanga monumanú.

Naʻe fakatupu leva e tangatá ke pule ki he māmaní ko ʻení.

ʻE lava leva ke mālōlō e Tamai Hēvaní he taimí ni.

ʻI he ʻaho tapú ʻoku tau ako ai ki he ngaahi moʻoni lahi ko ʻení.

C. Lingiao., taʻu 10, Taiuani

ʻOku talanoa ʻeku tamaí mo ʻeku faʻeé kiate kimautolu kau ki he temipalé. ʻOkú na fakaʻaliʻali mai ha laʻitā ʻo e temipalé pea fakamoʻoni ki hono ngaahi tāpuaki taʻengatá.

Tesoa I., taʻu 7, Kongikou