2017
Te Berita ao Berita aika Tabu n te Nakoanibonga
April 2017

Rongorongo ni Kakawari n Reirei

Te Berita ao Berita aika Tabu n te Nakoanibonga

Tataromwaaka ni kamatebwaia te bwai n reirei aei ao n ukoria bwa ko aonga n ataia bwa tera ae ko na tibwaia. E kanga ataakin ana botoniango te bootaki n aine ni katauraoiia natin te Atua aine ibukin kakabwaia n te maiu ae akea tokina?

Kansas City Missouri Temple

Korakoran ngaira ara atatai aine bwa te berita ao berita aika tabu n te nakoanibonga e kaeti nakoira n onoti, ni mwaitin mwanean kakabwaia ma berita n te nakoanibonga.

E taku Unimwaane M. Russell Ballard man te Kooram n Abotoro n te Tengaun ma Uoman, “Ni kabane ake a tia ni karaoi berita aika tabu ma te Uea ao a karinei berita akanne a kona ni karekei kaotioti mai karawa, ni kakabwaiaki man aia ibuobuoki anera, ni mwakuri ao n tibwai aia bwai ma te Atua, ni karekea bwaninin te euangkerio, ao n tokina, n riki bwa taan bwaibwai irarikin Iesu Kristo n ana bwai Tamara are i Karawa.”1

Kakabwaia ao berita ibukin berita aika tabu n te nakoanibonga ni kaineti nakoia mwaane ao aine. Titita Sheri L. Dew, te kauntira mai imwaaina n te Beretitentii ni Kabuta n te Bootaki n Aine, e taku, “Bwaninin te nakoanibonga are inanon te kabanea n rietaata n otenanti n ana auti te Uea e kona n reke tii iroun te mwaane ao te aine ni uaia ni bootaki.”2

Titita Linda K. Burton, te Beretitenti ni Kabuta n te Bootaki n Aine, e karaoa te kakaewenako aei, “I kaoi ngkami bwa kam na kamatenanoa te berita ao berita aika tabu n te nakoanibonga, are e kona ni kuneaki n Doctrine ao Covenants 84:33–44 Man karaoan aei, I berita nakoimi bwa e na karababa ootam te Tamnei ae Raoiroi ibukin te nakoanibonga ao ni kaungako ao n tabekiko rake ni kawai aika kamiimi.”3

Ana kaetieti Iotebwa Timiti nakon te Bootaki n Aine a baireaki bwa a na katauraoiia aine bwa a na “roko ni bwaibwai man rakan ao kakabwaia n te nakoanibonga.” E na kakoroaki nanon aei rinanon otenanti n te nakoanibonga n te tembora.

“Otenanti n te tembora [bon] otenanti n te nakoanibonga, ma aki [karaoi] nakoa n te ekaretia iaoia mwaane ao aine. [Otenanti aikai a kakoroa nanon ana berita te Uea bwa ana aomata—aine ao mwaane—a na bwaintangiraaki ma te mwaaka mai ieta [taraa D&C 38:32].”4

Rakan riki Booki aika Tabu ao Rongorongoia

Doctrine ao Covenants 84:19–40; 121:45–46; reliefsociety.lds.org

Relief Society seal

OnimakiUtuBuoka

Bwaai aika a na taraaki

  1. M. Russell Ballard, “Mwaane ao Aine ao Mwaakan te Nakoanibonga,” Riaona, Tebetembwa 2014, 36.

  2. Elizabeth Ann Whitney, n te Daughters in My Kingdom: The History and Work of Relief Society (2011), 128.

  3. Linda K. Burton, “Priesthood Power—Available to All,” Ensign, Tuun 2014, 39–40.

  4. Gospel Topics, “Joseph Smith’s Teachings about Priesthood, Temple, and Women,” topics.lds.org.