“N na kanga n ataia bwa E kakauongo te Atua nakon au tataro?”

Te tataro bon te kakabwaia ae rang korakora, aoti a tia ni beritanaki bwa Tamara are i Karawa e kakauongo n taainako, ma e kainnanoa tabeua te mwakuri ni kinai Ana kaeka.¹

Iangoa taekan aei: tao te Atua e ongo iroum ke E aki. Ngkana e aki, ngkanne ni koauana bon akea nanon te tataro. Ma ngkana E ongo (ao E bon ongo!), ti riai ni kakaea raoi bukina ti na kanga raoi n itoman ma Ngaia n te tataro, ni kinai ana kaeka, ao ni kakaonimaki ni waaki nako.

Ngkana ti namakinna bwa E aki ongo, tao ti riai ni bon karikirakeira moa. Ko na bae n titirakiniko tabeua titiraki: I itiaki? A tau au mwakuri? I tatauraoi ni karaoa are E butiai iai?² Ngkana kaekaan aikai eng, ko kona n onimakinna bwa te Uea ae Atuam e na kaekai am tataro” (taraa D&C 112:10). Uringnga, n tabetai a roko kaeka ni kawai aika bebete man aki kantaningaaki.

Ngkana am kaeka bwa tiaki nakon tabeua titiraki akanne, e tuai rang oimwi! Karaoi bitaki aika riai inanon maium bwa ko aonga ni karekea te Tamnei. Tatauraoi ni mwakuri iaon wirikiriki ake ko karekei.

Ao tai mwaninga ae bwa aomata nako a karekei kaeka n ae kakaokoro. Tataro bwa e na reireiniko te Tamnei ae Raoiroi bwa ko na kona ni kinai taian kaeka. E bae n aki bebete kinaakiia n te moan tai, ma titebo ma aron konabwai tabeua: te kataneiai e karika te kororaoi. Kareka te onimaki ao onimakina te Tama are i Karawa bwa n taainako e kakauongo.

Kakauongo nakon te Tamnei

Kataia kakauongo nakon te Tamnei ae Raoiroi. Aomata a ongo iroun te Tamnei ae Raoiroi ni kawai aika kakaokoro, ngaia are tao ko kakauongo ibukin, te bwanaa ae maaraara man bebete ngkana e roko te wirikiriki bwa te namakin. I ataia bwa te Tamnei ae Raoiroi e na tuangko bwaai ake ko kainnanoi ni kan atai—ko ti riai ni kakauongo.

Elise G, ana ririki 13, Alberta, Candada

Kaeka inanon te Ekaretia.

N tetaina I rangi n nanououa ngkana N na nako ni marooro ma raou ae tiaki kaain te aro. Te Tabati teuana n te bootaki n toa, iai te aine ae e taetae are e taraa ni kainetia nakoiu. N te tai anne, I karekea te kakoaua bwa te Uea e a tia ni kaeka au tataro. Mai imwaaina, I a tia n aki rang oota raoi bwa tera ae N na karaoia, ma ngkanne e karauaki nanou iroun te Tamnei ae Raoiroi, are e kaona nanou ma te kimwareirei ao te ninikoria. Te Atua e kaekaira rinanon namakin, iango, booki aika tabu, ao taan taetae naba n te taromauri!.

Karen V., ana ririki 19, Minas Gerais, Brazil

Uringnga bwa Antai Ngkoe

I ataia te Atua e ongo iroura ibukina te tataro e karika te namakin ae rau, buokaki, ao te tangira inanou. I nooria bwa E kainaomataai man kabuanibwai aika mwaiti man te bong teuana nakon teuana ao E kawakiniia au utu, ao I namakina tangirau Irouna. Imwaain ae I nako n reirei, I aki toki n atonga ana botoniango te Bootaki n Ataeinaine, e buokai n uringnga bwa Ngai natin te Tamara are i Karawa te aine, are e tangirai.

Nicol M., ana ririki 19, Lima, Peru

Tataro ma te Nano ni Koaua

Imwiin am tataro, ko kona ni kakauongo nakon namakin ao naano ake a roko inanom. Teuana mai iai e bae n ae kaekaakin am tataro. Ngkana ti tataro ma nanora raoi ao te nano ae koaua, Tamara are i Karawa e kaeka ni kaeti ma ara onimaki are ti karekea mai Irouna. E aki kaekaira tii ibukin ara kan ataibwai.

Jean-Claude N., ana ririki 16, Kasaï-Central, Democratic Republic mai Congo

Ukoukoria

I miimi n tetaina ngkana e kona n ongo au tataro te Atua, ao ngkanne I namakina te kaeka inanou. I ongo temanna ni kaota ana koaua ibukin te tataro, ao I kona n namakina te Tamnei ae Raoiroi. Au taeka n reirei teuana bon butiakiia am karo, bitiobi, ke tabeman kaain te aro n am uoote. Ko kona naba n tataro ibukin buokam iaon atuun te reirei aei.

Joshua S., ana ririki 13, Oregon, USA

Ana Tataro te Ataei

I ataia e ongo au tataro te Tama are i Karawa ibukin taekan anenen te Moanrinan “Ana Tataro te Ataei” (Aia Boki n Anene Ataei, 12): “Te Tama are i Karawa, ko maiu? Ao ko ongo ao ni kaekai aia tataro ataei n tatabemaniia nako? A taku tabeman bwa e raroa karawa, ma I namakinna bwa e kaan irarikiu ngkana I tataro.” Ngkana I uingnga te anene anne, I ataia E kakauongo ibukina I namakina te Tamnei ao Ana tangira ae akea tiana ibukiu. Ngkai I uringnga bwa E tangirai, I namakina te mweengaraoi ao n ataia bwa E ongo au tataro.

Elaine B., ana ririki 16, North Carolina, USA

Onimakinna

Te Tama are i Karawa e kakauongo n taainako nakon ara tataro, ma n tabetai e taraa n ae E aki kaekai ara tataro ibukina E bae n aki kaekaira bwa e na kanga ke nningai ae ti tangiria bwa E na kaekaira iai. Te Tama are i Karawa e kakauongo n taainako nakon ara tataro, ma n tabetai e taraa n ae E aki kaekai ara tataro ibukina E bae n aki kaekaira ni kanga ke nningai ae ti tangiria bwa E na kaekaira. Ti kainnanoa te tatauraoi n anga ngaira nakon Ana kantaninga ao ni karekea te onimaki bwa E ataa te bwai ae tamaroa ibukira. E tangiriira te Tama are i Karawa ao e kataia n taainako ni buokiira n reiakiniira ao n rikirake ngkai E kaekai ara tataro.

Mosiah M., ana ririki 17, Utah, USA

Bubuti ao ane Kam na Anganaki

Rinanon booki aika tabu, ti reireinaki bwa e kaekai ara tataro te Atua n taainako ao e na kaekai ngkana ti taetae Nakoina ma te onimaki ao te nano ae koaua. Inanora ti na namakina te Kamatoaki bwa E bon ongo iroura, te namakin ae rau ao ni maem. Ti kona naba n namakinna bwa bwaai ni kabane a na nakoraoi ngkana ti iriira ana kantaninga te Tama. Ngkana ti nanououa bwa E kaekaira, ti riai n ukoukora ana kairiiri ni booki aika tabu ao ngkanne ti butiia ngkana bwaai akana te wareki a koaua.

Constanza L., ana ririki 20, Bío Bío, Chile