Baronga Am Kamatebwai ibukin te Euangkerio
Tuoi iango aikai ibukin kamatebwaian te euangkerio ao kakaei kaekaakin am titiraki n te tamnei.
Ko kanga ni kamatebwai ngkana ko kakaei kaekaan titiraki n te tamnei ke ni kataia n oota raoi ni booki aika tabu? I kaineta aio nakoim—n tii ngkoe. Aomata n tatabemaniia nako a kakaokoro anuaia ni kamatebwai ibukin te reirei, ma n tabetai ti mwaninga are ti kona naba ni barongaira ibukin ara kamatebwai naba n te euangkerio. Imwiina ngkana iai am titiraki n tamnei ke ibukin tuan te euangkerio, katai tabeua iango aikai ni baireia bwa tera mwakuriana ae e na nakoraoi ibukim.
1. Karaoia
Karinanii baike ko bairei, tiata, ke te mwabe. (Taraa are inano ibukin te katooto.)
Karaoa te kamatebwai iaon te webu. Korei taeka ao iango ao ngkanne tomai ma taian rain ao baika buroburo ni kaotia bwa a kanga n iai rekerekeia.
2. Koreia
Korei iango ao namakin ake ko karekei n am tai ni kamatebwai booki aika tabu n te tienoro ni kamatebwai ao rinanoi iango akanne n angin te tai.
Korei am iango ao namakin imwiin am tataro, e ngae ngkana aki kaineti namakin akanne ma atuun te reirei are ko kamatebwaia. Taraia bwa tera are e kaokiokia n reiakiniko iai te Tamnei.
Korei am titiraki n te boki, iaon am tareboon, ke iaon te baa n reta irarikin am kainiwene ni kauringko ao ni buokiko n teimatoa n iangoia bwa tera are ko reiakinna ni katoa bong.
3. Ongora ao Kabwarabwara
Marooro ma te karo ke te tia kairiiri ae onimakinaki. Kataia n uaia n oota iai. E na bae n anaa te tai teutana, ma ko na bae n rikirake inanon te waaki.
Reireia riki temanna. Ikaruoruo n tibwaua are ko a ataia. Marooroakina are kam reiakinna imarenami.
Ongora ni booki aika tabu ke karaki tabeua man te LDS ao bwaai n ibuobuoki aika ko na ongoraeakin.
4. Kakae
Kakaea buokan te kamatebwai ni booki aika tabu ao n te aonraain (tarai ake inano n rinanin ana bwai n ibuobuoki te LDS).
Kakae iaon LDS.org ibukin tamnei ao anene n taekan bwaai ake ko kamatebwai.
Kamatebwaia kanoana. Kakaea rongorongon ke mwakoro ake a kaan ma atuun te reirei ke booki aika tabu ake ko kamatebwai.
5. Karaoia
Karaoa te kaotioti iaon rongorongo man booki aika tabu ke bwaai n reirei tabeua. E kanga ngke arona bwa ngkoe aekakim te aomata anne ni buokiko ni kamataatako n te bwai are ko kamatebwaia? A na tera aron taraakin taabo aika ti te arona inanon maium?
Karaoa te tiein ibukin booki aika tabu ake a toma ma kaeka ake ko kakaei ni booki aika tabu. (Taraa are inano ibukin te katooto.)