Onimaki

Kataa te waaki ni kakukurei aio ma raraom. Ko na riai n onimaki ao n taratara raoi n tou mwin kairiiri.

Ma te kainikoroboki ke te bentira inanon baim, kaini matam. Kariaia raoraom bwa ana tuangko te tabo ae ko na korea te mata, te bwairi, ao te ira iaon te ubu aei. Ngkanne taraia. N tokin mwina e tamaroa taran am tamnei? Ko kona ni karan inanon te ubu ao korea te mata ibukin te takakaro riki!

N tabetai e kaangaanga touan mwin te kairiiri. Ma ngkana ti kataia n tou mwin Tamara i Karawa man ongo nakon te Tamnei ae Raoiroi, E na buokiira. Ti kona n onimaki Irouna n taainako.