Ngaahi Talanoa ʻo Sīsuú
Naʻe Fafanga ʻe Sīsū ʻa e Kakai Tokolahi
Mei he Mātiu 14:13–21.
ʻI ha ʻaho ʻe taha naʻe fie maʻu ai ʻe Sīsū ke Ne tokotaha pē. Naʻá Ne heka ki ha vaka ʻo folau ki ha feituʻu longonoa. Taimi nounou pē naʻe muimui ʻiate Ia ha kakai tokolahi.
Naʻe akoʻi ʻe Sīsū ʻa e kakaí mo fakamoʻui ʻa e niʻihi naʻe puké. ʻI he fakaʻosinga ʻo e ʻahó, naʻe kamata ke fiekaia ʻa e tokotaha kotoa pē. Naʻe fie maʻu ʻe he kau ākongá ʻa Sīsū ke Ne fekauʻi ʻa e kakaí ke nau ō ʻo fakatau mai ha meʻakai mei he koló.
Naʻe fekauʻi ʻe Sīsū ʻEne kau ākongá ke fafanga e kakaí koeʻuhí ke ʻoua te nau mavahe. Ka ko e foʻi mā pē ʻe nima mo ha mataʻi ika ʻe ua naʻe maʻu ʻe he kau ākongá. Naʻe ʻikai ke feʻunga ia ke fafanga ʻaki ʻa e kakaí.
Naʻe tāpuakiʻi ʻe Sīsū ʻa e meʻakaí pea pakipaki ia. Naʻe tufotufa leva ia ʻe he kau ākongá ki he kakaí. ʻE feʻunga nai ʻa e meʻakaí?
Naʻe laui afe ʻa e fānau, kakai fefine, mo e kakai tangata naʻa nau kai ʻi he maá mo e iká. ʻI he hili ʻenau kaí, naʻe toe ʻa e kato meʻakai ʻe 12! Ko ha mana ia. ʻOku kei hoko pē ʻa e ngaahi maná ʻi māmani he ʻahó ni!