Kapau kuó u taʻofi hono siofi ʻo e ponokalafí ʻiate au pē, ʻe kei fie maʻu nai ke u talanoa ki he pīsopé?

Kapau naʻá ke mamata ponokalafi, ʻoku poupouʻi ke ke “fekumi ki he tokoni ʻokú ke fie maʻú. ʻE lava ke tokoni atu hoʻo mātuʻá mo hoʻo pīsopé ke ke fakahoko e ngaahi sitepu ʻe fie maʻu ke ke fakatomala mo siʻaki ai e ʻulungaanga fakatupu ʻauhá ni” (Ki Hono Fakamālohia ʻo e Toʻu Tupú [2011], 12).

Kapau kuó ke taʻofi hoʻo sio ponokalafí ʻiate koe pē, ʻoku ʻikai totonu ke fehuʻia pe ʻoku kei “fie maʻu” nai ke ke talanoa ki ai mo hoʻo pīsopé. Ko e fehuʻi totonú ko e “Ko e hā hano kovi kau ka talanoa ki heʻeku pīsopé?” ʻOku ʻikai pē hano kovi ʻoʻona. Te ne maʻu ha mahino mo e poupou, pea ʻe fiefia ʻi hoʻo fāifeinga ke siʻaki hoʻo ngaahi angahala he kuohilí. ʻE lava ke tokoniʻi koe ʻe he pīsopé ke fakamaʻalaʻala ha ngaahi tālaʻa ʻokú ke maʻu fekauʻaki mo hoʻo tuʻunga tāú pea mo hoʻo fakatomala kakató. Pea te ne lava ʻo tokoniʻi koe ke fakamālohia hoʻo tuí pea falala kia Sīsū Kalaisi mo ʻEne feilaulau fakaleleí. ʻI he ngaahi ʻuhinga tatau pē, ʻoku totonu foki ke ke fakakaukau ke talanoa ki hoʻo ongomātuʻá.