Toʻu Tupú
Ko hono Manatuʻi ʻo e ʻEikí he ʻAho Kotoá
ʻOku lahi fau e ngaahi meʻa ʻoku fie maʻu ki ai ʻetau tokangá—ʻa e ngaahi kaungāmeʻá, ngāue fakaʻapí, ngāue fakaako mei ʻapí, TV. Ka ʻi he uike kotoa pē, ʻoku tau palōmesi ai ki he Tamai Hēvaní “[te tau] manatu maʻu pē ki [Hono ʻAlo ko Sīsū Kalaisí]” (T&F 20:79).
ʻOku pehē ʻe Palesiteni ʻAealingi te tau lava ʻo “fai ha ngaahi fili ʻi he ʻaho kotoa pē” ʻe tokoni ke tau manatuʻi ai e Fakamoʻuí. Fakakaukau ke ke fokotuʻu ha taumuʻa he māhiná ke manatuʻi lahi ange ʻa e Fakamoʻuí he ʻaho takitaha. Te ke lava ʻo fokotuʻu ha tohi māhina pea tukupā ke fai ha meʻa ʻe taha ʻi he ʻaho taki taha. ʻOku fokotuʻu mai ʻe Palesiteni ʻAealingi ha ngaahi meʻa hangē ko e lau e folofolá, lotu ʻi he tuí, mo e tokoni ki he Fakamoʻuí mo e niʻihi kehé. ʻOku kau foki ai e hiki ʻo e tohinoá, maʻu e ngaahi fakatahaʻanga ʻa e Siasí, fanongo ki he konifelenisi lahí, ʻalu ki he temipalé, hivaʻi ʻo e ngaahi himí—pea ʻoku toe lahi ange lisí! ʻOku talaʻofa mai ʻe Palesiteni ʻAealingi “ʻe hoko māmālie mo taʻe-tuku mai e ngaahi tāpuakí … [pea] te ne oʻi kitautolu ke tau hoko ko e kau ākonga moʻoni ʻa e ʻEiki ko Sīsū Kalaisí.”