Ngaahi Talanoa ʻo Sīsuú
Naʻe ʻAʻahi ʻa Sīsū kia SIOSEFA SĀMITA
Hili ha ngaahi taʻu lahi ʻo e toetuʻu ʻa Sīsuú, naʻe ʻi ai ha fehuʻi ʻa ha kiʻi tamasiʻi naʻe ui ko Siosefa Sāmita. Naʻe ʻikai ke ne ʻiloʻi pe ko e fē siasi ʻoku totonu ke ʻalu ki aí.
Naʻe lau ʻe Siosefa ʻa e Tohi Tapú. Naʻe pehē ai ʻe tali ʻe he Tamai Hēvaní ʻetau ngaahi fehuʻí kapau te tau lotu kiate Ia. Naʻe ʻalu ʻa Siosefa ki he vao ʻakaú ʻo lotu ki he Tamai Hēvaní.
Naʻe hāʻele hifo ʻa e Tamai Hēvaní mo Sīsū mei he langí. Naʻe pehē ʻe Sīsū ʻoku ʻikai totonu ke ʻalu ʻa Siosefa ki ha taha ʻo e ngaahi siasí he naʻe ʻikai ke nau akoʻi kotoa ʻa e ngaahi meʻa ʻo Hono siasí.
ʻI he taimi naʻe lahi hake ai ʻa Siosefá, naʻá ne tokoni ʻi hono toe ʻomi e Siasi ʻo Sīsuú ki māmani. ʻOku ui ia ko e Siasi ʻo Sīsū Kalaisi ʻo e Kau Māʻoniʻoni ʻi he Ngaahi ʻAho Kimui Ní. ʻOku tokoni ia ke ʻilo ʻe he kakaí kia Sīsū mo e Tamai Hēvaní.
ʻOku akoʻi lahi au ʻe hono lau ʻo e folofolá fekauʻaki mo e Tamai Hēvaní. ʻI he taimi ʻoku ou lotu aí, te Ne lava ʻo tali foki ʻeku ngaahi lotú.