5 Auala e Puipuia ai le Faatuatua (e aunoa ma le Faatupuina o se Finauga)
Mai se tusiga na sauina e Elder Von G. Keetch o le Fitugafulu
E le manaomia le i ai o se feteenaiga i le va o mataupu faavae maoae e lua o le talalelei o le tu atu mo le upumoni a o faaaloalo foi ma alolofa atu i isi. O la tatou talitonuga maumaututu o le upumoni e le tatau lava ona uunaia ai i tatou e faatino i se auala e le faaaloalo po o le inoino atu i isi. Ae i le taimi lava e tasi, o lo tatou manao e faaali atu le agalelei ma le alofa i tagata uma e le tatau lava ona faavaivaia ai lo tatou tiute o le tutu atu mo le upumoni.
-
O le a sili atu le faamanuiaina o i tatou pe a tatou galulue ma isi tagata taitoatasi. Afai tatou te faatagaina i tatou lava ona faatapulaaina i le 140 mataitusi i le initoneti, o le a tele lava ina faauiga seseina i tatou. E masani lava, e sili atu mea e ausia i le talanoa taitoatasi, faafesagai, a o oo ina malamalama tagata taitoatasi i le tasi ma le isi.
-
Manatua o la tatou sini muamua o le malamalama lea i vaaiga a isi. Sei vagana ua tatou faaaloalo ia i latou o ni tagata soifua ma malamalama i o latou manatu o le a mafai ona tatou fesootai lelei ma isi.
-
Vaavaai mo auala e mafai ona tatou faaaloalo ai i manatu eseese ma nonofo pea faatasi i le lalolagi. E tatau ona tatou tutu atu mo aia tatau autu lautele a isi, i le iloaina o la latou aia e faailoa atu ai o latou manatu ma tautatala atu mo mea ua latou talitonu i ai, pe afai tatou te faamoemoeina isi e tutu atu mo a matou aia tatau autu lautele.
-
O le malamalama o le tasi i le isi o se faagasologa—lea e masani lava ona umi se taimi e alu ai. Atonu e le mafai lava e isi ona taliaina o tatou manatu, ae e mafai ona tatou taumafai e aveese upu e pei o lefalesaio ma le inoino.
-
Tagai atu i le tasi ma le isi o se tasi e matuai lelei lava ma atamai, e tusa lava pe tatou te taofimau i manatu autu e le mafai lava ona taliaina e isi.