O Auala Malie e Tolu e Amataina ai le Talafaasolopito o Aiga
Tou te fia mananao ia lagona le avea ma se vaega o se mea e maoae atu nai lo oe lava ia? O auala malie nei e tolu e amatalia ai se talafaasolopito o aiga ma meafaigaluega e tolu e mafai ona e faaaogaina e faia ai.
1. Aoao i tala o le aiga
O le talafaasolopito o aiga ua sili atu nai lo na o igoa ma aso—o tala ia e uiga i lou aiga. Aoao e uiga i tala o tagata o lou aiga e ala i le faatalanoa o tagata o aiga o loo soifua, e pei o matua, matua o matua, uso ma tuafafine ma tuagane o matua. O le tele o lou silafia e uiga i lou aiga, o le tele foi lea o lou silafia o oe lava ia.
-
Saili ni motugaafa aoga mo le aoina mai o tala o le aiga i le LDS.org.
2. Faamaumau tala o le aiga
Ao e talanoa i tagata o le aiga, faamaumau a latou tala. E mafai ona e faaaogaina le FamilySearch.org po o le polokalama o le FamilySearch Memories e uta ai i luga ata, faila otio, tala tusitusia, ma isi.
3. Saili igoa o le aiga e ave i le malumalu.
O le aveina o igoa o le aiga i le malumalu o se auala sili lea e avea ai le tapuai i le malumalu ma se vaega sili ona anoa. E mafai ona e faaaogaina le vaaiga descendancy [tuaa] i le FamilySearch.org e te suea ai augatama o e ua tatau ona fai o latou sauniga o le malumalu.
-
Faataitai le vaaiga descendancy [tuaa] i le FamilySearch.org.
Seti se sini e filifili se tasi o auala nei e amataina ai le galuega o talafaasolopito o aiga, ma maua ai le olioli lea e oo mai i le faaliliuina o “loto o fanau i o latou matua” (tagai Malaki 4:5-6).
E le o i ai lava sou alualu i luma? Asiasi i le FamilySearch.org mo nisi manatu, motugaafa, ma anomea po o meafaigaluega.