Mauaina o le Filemu i le Le Atoatoa
E leai se tasi o i tatou e atoatoa. Ma e leai se tasi o i tatou o le a [atoatoa] mo se taimi umi lava. Afai la, o le le atoatoa o lo tatou tulaga lea i le olaga, o le a se mea e mafai ona tatou faia e maua ai le filemu i le ala umi i le atoatoa? E mafai ona fesoasoani manatu nei:
1. Ia mautinoa.
O o tatou mafaufauga e uiga ia i tatou lava e aafia tele ai a tatou amioga ma faalogona. O le toatele o i tatou, tatou te faia ni tala ia i tatou lava ia e le mafai ona tatou fai atua i se isi tagata. Mulimuli ane, o lenei mea e taotaomia ai i tatou mai o tatou gafatia moni ma tuuitiitia ai o tatou tomai ma taleni.
2. Talia ia le atoatoa o ni avanoa.
E le finagalo le Atua tatou te lotovaivai i le le atoatoa. Afai tatou te taliaina o i tatou o ni fanau faaletonu a le Atua, o e o loo aoao a o tatou agai i luma, ona mafai lea ona tatou talia o tatou le atoatoa. O le faamoemoe ia maua vave le atoatoa o lona uiga, o le taofia mai ia i tatou o le avanoa mo le tuputupu a’e. O le a tatou taofia le meaalofa o le salamo ma le mana o Iesu Keriso ma Lana Togiola i o tatou olaga.
3. Ia lotomaualalo, ae le o le faatauemu.
O le liliu atu i lo tatou Tama Faalelagi i [o tatou] le atoatoa e manaomia ai le lotomaualalo. Ae e i ai se eseesega i le va o le lotomaualalo ma le lagona o le tauleaogaina po o le faaletaua. E le finagalo le Atua ina ia tatou ta’ufaatauvaaina i tatou lava ma manatu e faaletaua i tatou i Lana silafaga. E taua le iloa, e aoga le taimi ma taumafaiga e manaomia ai, ina ia sui ai.
4. Filifili le fiafia.
I le totonugalemu o le avea ma se tagata lelei atu, e mafai ona tatou filifilia nei loa le filemu ma le fiafia. Atonu e le mafai ona tatou suia tulaga i o tatou olaga, ae e mafai ona tatou suia le ala tatou te tali atu ai i ia tulaga.