3 Mea Tatou Te Fefefe Ai e Mafai Ona Taofia Mai i Tatou mai le Faamagaloina
1. Fefe i le maasiasi. E tele atu isi mea e sili atu le leaga nai lo le maaasiasi, e pei o le avega o se agasala e lei foiaina. A e filifili e salamo ma tautau atu au agasala, o le a mouese atu soo se lagona o le maaasiasi ae suitalaga ai le filemu ma le olioli.
2. Fefe i le taumafaiga. O le faia o ni suiga e mafai ona faigata. Ae o soo se mea lava e aoga e manaomia ai se taumafaiga ma galuega. O taunuuga mai le filifili e sui—faamagaloga, filemu, ma le tuputupu ae faaleagaga—e fetaui lelei mo soo se tulaga o le galuega.
3. Fefe i le toilalo Atonu sa e taumafai e sui ae e tumau pea lou faia o ia lava mea sese. Atonu e te fefe faapea o le a le mafai lava ona e suia. Ae o le Togiola a Iesu Keriso, e mafai ai ona e sui! O le salamo e le faigofie, ae o le fesoasoani mai o Keriso, e mafai ai ona e faia. E te le o i tua atu o tuaoi o le Togiola a Keriso, aua e leai ni ona tuaoi. Ia taumafai pea ma agai pea i luma.
Atonu e foliga taufaafefe le salamo, ae o le mea moni, o le ala lea i le olioli moni. E mafai ona e maua le lototoa ma le malosi e faataatiaese ai nei mea tatou te fefefe ai, sui lou olaga, ma faalatalata atili atu i le Faaola.