Aua le Avea Tala Nei e Taofia ai Oe Mai le Faaipoipo
O le faaipoipoga ua avea ma se faamuamua pito i lalo i nisi o le au maimoa ma vaitausaga. O nisi o talavou matutua ua faatuai ma le leai o se mafuaaga lelei le faaipoipoga ona latou te vaai atu i ai o se filifiliga o le olaga faaletagata lava ia nai lo o se vaega o le fuafuaga o le fiafia a le Atua.
O “feteenaiga [nei e tolu] o sauniuniga mo faaipoipoga” lea na saunoa mai ai Jason S. Carroll, PhD ma se polofesa i le Aoga o le Olaga Faaleaiga i le Iunivesite o Polika Iaga, lea ua taliaina lautele i le salafa o le lalolagi.
1. O Le Feteenaiga i Mafutaga e Lei Faaipoipo
O le toatele o tagata talavou latou te vaai atu i mafutaga ao lei faaipoipo o se “iloiloga o se tagata pe tutusa” e faaitiitia ai le tulaga lamatia o le tetea. E le fetaui lenei mea ma le mamanu o le faaipoipoga a le Alii, ma ua faaalia e suesuega faapea o mafutaga ao lei faaipoipoina ua sili atu le fesootai ma le tele o avanoa o le tetea.
2. O Le Feteenaiga o le “Tele o Paaga Faafeusuaiga ao Lei Faaipoipo”
O nisi e mafaufau faapea e tatau ona “foia muamua tulaga muamua tulaga” faafeusuaiga ao lei saunia e faia se aiga. Ua faaalia e suesuega o lenei amioga e taitai atu ai foi i se tulaga maualuga o le tatalaina o faaipoipoga. O le tausiaina o fesootaiga faalefeusuaiga i totonu o le tautinoga atoa o le faaipoipoga e fausia ai ni faaipoipoga e maualuluga ia tulaga.
3. O Le Feteenaiga o le “Matua Atu e Sili Atu ona Lelei”
I le lalolagi, o le tausaga e faaipoipo ai ua faamaualugaina, ma ua vaai atu ia tagata talavou i le faaipoipoga o se toilalo nai lo se manuia. Ua latou vaai atu i o latou vaitausaga o se autalavou matutua o se taimi e taulai atu ai ia i latou lava. Ae peitai, o le tele o suesuega ua faamaumauina ai ia manuia faalelagona, faaletino, faaletamaoaiga ma faafeusuaiga lea e aumaia e faaipoipoga e tumau i tagata ma le lalolagi atoa.
E sili atu le lelei o le tagai atu i le mamanu a le Alii mo le sauniaina mo se faaipoipoga amiotonu ma le faamalosiaina o le aiga o se iunite faavae o malo. O le aoao atu ma le atiinaeina o se aganuu o le avea ma se tagata matua moni ma le sauniaina mo se faaipoipoga o le a avea ma elemene taua o ni faaipoipoga faamanuiaina.