O Le A Faapefea Ona Manatuaina Oe i Lou Falelauasiga?

Mai se tusiga mai ia Elder Quentin L. Cook o le Korama a Aposetolo e Toasefululua

Ata

Quentin L. Cook

Ata

rosa

O David Brooks, i se tusiga ua faaautuina “O le Lisi o le Pakete o Amio Mama,” na atiina ae le manatu faapea o loo i ai “ni seti se lua o uiga mama, o le amio mama o le tala tusia ma le amio mama e faitauina i le maliu. O le amio mama e tusia o tomai ia e te avatua i le pule mo se galuega. O le amio mama o saafiafiga o uiga ia e talanoaina i lou falelauasiga.”

Sa faaiuina sao e Brooks faapea e sili atu ona taua o le amio mama o saafiafiga. O lenei mea na taua tele lava ia te au aua na ou oo i se aafiaga ina ua ou i le ogatotonu o le vaitau o lou 20 lea sa mamafatu ia te au. Na aofia ai ni falelauasiga a ni tamalii lelei se toalua, lea sa na o ni nai aso na va ai.

Ua ou filifili e taua se tasi o alii o Mauoa ma le isi alii o Faamaoni. …

Mauoa

Sa i ai ia Mauoa ni tomai matagofie e taulima ai tagata ma sa alofa tele o ia i tagata.
Na tele lana tupe maua ma sa nofo o ia i se fale tele, matagofie e faatu i luga o se fanua tele.
O ana filifiliga faaleaiga ma ana uunaiga i ana fanau sa toetoe lava ina matua taulai atu atoatoa i aoga ma galuega.
Na oo ina le toe toaaga Mauoa ma lana ava [i le lotu].
Sa la matele lava i le aafia i gaoioiga e lauiloa ma gaoioiga lautele.
Sa avea Mauoa ma se uunaiga o le faamaoni ma le amiosa’o ma le agalelei i tofiga uma sa ia umia.
I lona falelauasiga … sa o se, falelauasiga faavauvau. Sa faavae le olaga o Mauoa e toetoe lava a atoatoa i amio mama e tusia mo se galuega.

Faamaoni

Sa faaipoipo Faamaoni i se tamaitai sa matua toaga lava i le Lotu.
O lana pisinisi laitiiti tumaoti na … mu, ma sa leai ma se mea na totoe.
Ona ia toe faatuina lea o se pisinisi laitiiti ae sa toetoe lava ina le mafai ona totogi ana pili sa moomia ona totogi.
Sa i ai sona fale e laitiiti lava ae na fetaui lava.
Sa ia auauna atu pe a valaauina, e masani lava o se faiaoga, auai soo atu i le malumalu, ma sa avea o se tagata faamaoni e umia le perisitua.
Sa i ai i ni mafutaga matagofie, aemaise lava i lona aiga toatele ma ana fanau a fanau toatele.
Ina ua litaea o ia, sa la faamisiona faatasi ma lona toalua.
O le falelauasiga a Faamaoni … sa toatele ma fiafia. O lauga na faatatau i ona uiga, agalelei, le popole mo isi, ma le faatuatua i ai ma le alofa o le Alii o Iesu Keriso.

O le mea sa aupito sili ona taua ia te au e uiga i olaga sa faatoa ou faamatalaina atu, o lo’u iloaina lea o filifiliga e aupito sili ona taua e mafai ona faia e tagata uma. … O le faamuamua o le Faaola, lo’u aiga, ma le Ekalesia e taua tele. O le faia o lena mea o le a taunuu i le olaga lelei.