2017
Auala e Ono e Fesoasoani ai i se Uo o I Ai se Popolega
2017

Auala e Ono e Fesoasoani ai i se Uo o I Ai se Popolega

Mai se tusiga na saunia e Lyle J. Burrup, Tautua a le AAG mo Aiga

tamaitai talavou o loo tilotilo atu mai ie faamalama

E masani lava o i latou o e tauivi ma se popolega e fefefe i manatu o isi e uiga ia i latou. Latou te le mananao e vaai atu tagata ia i latou o oo i se lagona faafuasei o le atuatuvale po o nisi faafitauli e fesootai ma le popole. E masani lava, latou te taumafai e nanaina. Atonu latou te aloese mai faatasiga faaagafesootai pe faamisi foi le lotu. O le auala lenei e mafai ai ona e fesoasoani ia i latou.

  1. Fesoasoani atu ia i latou ia malamalama e tutusa uma i tatou. O tagata o e tauivi ma se faafitauli o le popole o ni tagata ola masani o loo tali atu i se auala faamoemoeina i ni vaega o talitonuga, mafaufauga, ma ni atuatuvalega faapitoa.

  2. Taumafai e aua le faamasinosino. O le popole e le o se vaivaiga i le tagata. O le aafia i se popolega masani e faaalia ai tatou te popole i mea o tatou atuatuvale ai. O se auala lelei e tagai atu ai i tagata o e o tauivi ma le popole o se tulaga lenei: e popole tele i latou.

  3. Ia malamalama ia i latou. Ia faamaoni. Faalogo ia malamalama i o latou lagona, talisapaia le mafuaaga ua latou tauivi ai, ma fesootai atu mea ua e iloa. O le mataalofa o se tulaga sili ona lelei ma anoa o le fautua atu.

  4. Aua le tauina atu ia i latou e aua le popole. E le tuuina atu ia i latou se toomaga. E faaali atu ai foi e te le o malamalama i le auala o tupu ai ni suiga. Fesoasoani atu ia i latou ia iloa mea e mafai ona latou faia moni lava e uiga i mea o latou popole ai.

  5. Aua le tauina atu ia i latou lo latou le mautonu. E tatau ona latou iloa mo i latou lava ia ni mafaufauga ma amioga atuatuvale. Afai e te tauina atu ia i latou lo latou le mautonu, atonu latou te le toe talatalanoa atu ia te oe, ma o le a mafaufau, “E le mafai ona ou talanoa atu ia te oe.” E manatu o au e valea.”

  6. Tuu atu le lagolagosua ia i latou. Fautuaina i latou ia maua se fesoasoani. E mafai ona fesoasoani le latou epikopo ia i latou ia maua se faufautua lelei. I se faafitauli po o se aso faigata, ofo atu e fesoasoani i se manaoga faigata po o se galuega, e pei o le aoao atu o se lesona, kukaina o se meaai, faia o le tagamea, moa le vao, tausia o tamaiti, ma isi mea faapena.