E Faaaoga e Lo’u Toalua Ponokalafi E Faapefea Ona Ou Manuia Mai Ai?
O amioga taua nei e fitu e mafai ona fesoasoani i le toalua o se tagata e faaaogaina ponokalafi, e le gata ina sao mai ai i le lotonutimomoia ae e vaaia ai foi se folafolaga o le faamoemoe. O nei amioga—ia e tupu i se saoasaoa ma i se faasologa e tasi—ua faamaonia, mo le toatele, e taua i le faamalologa faalelagona, faalemafaufau, ma le faaleagaga.
Amioga Taua 1: Tautala atu e uiga i le mafatiaga o le pelogia. O le iloa ma le tautala atu e uiga i le mafatiaga, tuuaia o oe lava, ma isi uiga faaalia atonu o i ai ia te oe pe a e iloaina na faaaoga po o loo faaaogaina e lou toalua ia ponokalafi.
Amioga Taua 2: Faasoa atu ma le faaeteete. Saili o le malamalama, lagolago ma le faamaoniga e ala i le faasoa atu ma le talafeagai.
Amioga Taua 3: Toeatinae le talitonuga faaleagaga. Saili mo ma mulimuli i uunaiga a le Agaga Paia e fesoasoani e toefuatai lou talitonuga faatuatuaina ma faaleagaga.
Amioga Taua 4: Saili mo le fesoasoani. E faaopoopo atu i le fefautuaai ma taitai perisitua, saili se auala e tau atu i le faamalologa e ala i punaoa e pei o tusi fuaitau, o se fomai tomai faapitoa o le mafaufau, o se faufautua, po o se polokalama faamalolo ua faamaoniaina.
Amioga Taua 5: Ia mo’i ma faamaoni. Talanoa soo ma e pele e uiga i lau malaga i le faamalologa ma le toe manuia i se auala e tuusa’o ma mo’i.
Amioga Taua 6: Faatulaga ni tuaoi. Ia fatufatuai ni tuaoi talafeagai faatasi ma lou toalua ma faatulaga se faiga e mafai ai ona faataunuu le faamoemoe ma faamaloloina.
Amioga Taua 7: Faataitai le tausi o le tagata o ia lava. Ia auai i faiga masani e faamalolo ma tausia ai le mafaufau, tino ma le agaga.