Ipadan-ag ang Inyong Kahayag
Pagmaisug nga Magmabination!
Hi! Ako si Claudia ug nagpuyo ko sa Australia. Akong gipadan-ag ang akong kahayag pinaagi sa pagkamabination ngadto sa uban.
Mobarug Ko alang sa Uban
Usa ka batang lalaki sa akong klase sa eskwelahan naglisud sa pagkat-on. Milaban ko niya sa dihang gisungog siya sa mga tawo, ug gitabangan nako siya sa klase sa dihang nanginahanglan siya niini. Miingon ang akong magtutudlo nga mao kini ang bugtong nga tuig nga mibati siya nga parte sa iyang klase.
Ang Akong Gamay nga Teddy Bear
Sa dihang namatay ang tiyo sa akong magtutudlo, naguol siya pag-ayo. Wala siya masayud kabahin sa Simbahan, busa giingnan nako siya nga ang Langitnong Amahan nahigugma kaniya. Gihimoan nako siya og kard ug gisultihan siya nga iyang makita pag-usab ang iyang tiyo. Gihatag nako niya ang akong espesyal nga gamay nga teddy bear aron sa pagtabang kaniya sa paglahutay sa subo nga mga panahon.
Swerte nga mga Higala
Ang akong silingan nga si Olivia maglisud sa paglakaw, pakig-istorya, ug pagpaminaw. Ang mama ni Olivia miingon nga swerte si Olivia nga adunay usa ka higala nga sama nako. Swerte pud ko!
Pagkanta ug ang Espiritu Santo
Ganahan kong mokanta og mga awit gikan sa Songbook sa mga Bata. Miingon ang akong pamilya nga mitabang kini kanila nga mobati sa Espiritu Santo. Ang Espiritu Santo naghatag kanako og usa ka mainit nga pagbati sa sulod.