Atong Pahina

Gikulbaan ko sa akong bunyag, apan sa dihang mituslob na ko sa tubig, mibati ko nga napuno sa kamaya ug kalipay.

Thomas B., edad 8, Uruguay

Mibiyahe kami gikan sa Cambodia padulong sa Hong Kong China Temple aron ang akong manghud nga babaye, nga si Laura, ma-seal sa among pamilya. Gibati nako ang Espiritu nianang espesyal nga dapit.

Rosa P., edad 9, Cambodia

Usa ka adlaw sa klase, hilum akong nagbasa samtang ang tanan nagdula og mga board game. Sa dihang mibagting na, gipasok nila ang mga dulaanan balik sa estante ug gubot kaayo kini. Misugod ko sa paglimpyo niini, ug wala madugay ang tanan misugod sa pagtabang. Gipasanag nako ang akong kahayag pinaagi sa pagkahimong maayong ehemplo.

Winnie W., edad 10, Canada

Sa dihang nag-otso anyos na ko, ang akong mga apohan ug daghang mga higala mitambong sa akong bunyag. Ang akong papa ang mibunyag ug mikumpirma kanako. Sa wala madugay midonar ko og 12 ka pulgada (30 cm) sa akong buhok ngadto sa usa ka bata nga dunay kanser. Ang akong birthday nakapalipay kaayo nako!

Lavona R., edad 8, Indonesia