Mubo ug Direkta

Kon ang Dios nasayud sa matag desisyon nga atong himoon, unsay hinungdan sa atong kabubut-on?

Kini nga pangutana nakapalibug sa mga tawo sa dugayng panahon. Ang paagi sa atong pagtubag niini gibase sa duha ka sukaranan, gipadayag nga mga kamatuoran:

Ang Dios nasayud sa tanan. Ang panglantaw sa Dios wala limitahe sa panahon (tan-awa sa D&P 38:2). Dugang pa, Siya adunay mahangturong personal nga kasinatian uban nato sa wala pa kita moanhi dinhi sa yuta, mao nga mas nasayud Siya sa mga hilig ug kinaiya sa matag usa nato kay kanato.

Kita adunay kabubut-on. Intelihente kita nga mga binuhat, mga anak sa Dios, kinsa nahigugma nato ug naghimo sa plano nga nagtugot nato nga mahimong sama Kaniya—kon kita mopili sa pagsunod Kaniya (tan-awa sa D&P 93:27–32; Abraham 3:21–25). Ang kabubut-on nagpasabut nga kita makalihok alang sa atong kaugalingon ug dili palihukon (tan-awa sa 2 Nephi 2:14, 16, 27).

Ang kasinati sa Dios sa atong kinaiya ug sa Iyang pagkahibalo nang daan sa atong mga pagpili dili mohimo nato nga mopili niadto nga mga pagpili. Tungod kay Siya nakaila kanato ug tungod kay kita adunay kabubut-on, Siya modapit ug modasig nato—apan dili mopugos nato—sa pagbuhat og maayo ug sa pagtuo ni Jesukristo (tan-awa sa Moroni 7:16–17).