Ang Akong Notebook sa Komperensya
Abril 2018 nga Kinatibuk-ang Komperensya
Unsay akong buhaton?
Natandog ko sa mensahe ni Presidente Nelson sa komperensya nga ang Dios gusto nga makigsulti nako ug mosulti nako unsay Iyang gusto nga akong buhaton. Karong adlawa naghunahuna ko nga sulayan nako kana. Nag-ampo ko nga ako makatabang sa uban karong adlawa. Human sa paniudto kinahanglan nga tubilan nako ang sakyanan. Misulod sa akong hunahuna nga kinahanglan kong mopalit og gasolina para sa laing tawo. Medyo nagduha-duha, naghunahuna ko, “Tan-awon nato.” Nagsugod ko sa pagpagasolina. Usa ka minivan mi-parking tupad nako, ug usa ka babaye migawas uban sa iyang anak. Iyang gikuha ang iyang pitaka ug nag-ukay-ukay niini.
Hapit na ko makahuman sa pagtubil sa dihang nakadungog ko niya nga miingon nga medyo gikulbaan, “Excuse me.” Milingi ko ug nakita ang iyang nawong nga mabalak-on.
Giingnan nako siya nga duna koy palitan og gasolina karong adlawa. “Ikaw ba?” Nasurprisa, nagsugod siya sa paghilak. “Adunay nagtan-aw nimo karong adlawa,” miingon ko. Milakaw ko libut sa bomba sa gasolina ug misulod sa akong credit card. Dayon misakay ko sa akong sakyanan ug midrayb uban sa tumang kasiguroan nga adunay nagbantay usab nako. Salamat sa Dios sa propeta!”
—Jonathan Benson, ang istorya gipakigbahin sa Liahona sa Facebook page
Palandunga kini …
Unsay akong buhaton kon akong nasayran nga usa na lang ka adlaw ang akong pagpakabuhi?
Tan-awa sa Elder Taylor G. Godoy sa Seventy, “Usa na Lang ka Adlaw,” Liahona, Mayo 2018, 34–36.
Ipakigbahin ang inyong mga hunahuna sa Liahona sa Facebook page, o i-rekord ang inyong mga hunahuna sa inyong journal!
Pagpangalagad
Sa kinatibuk-ang komperensya daghan sa atong mga lider naghisgot mahitungod sa pagpangalagad. Samtang kamo magtuon sa labing bag-ong mga mensahe, tan-awa kon makita ba ninyo ang mga hiyas sa pagpangalagad. Aniay pipila ka mga pakigpulong aron kamo makasugod:
-
Henry B. Eyring, “Ang Iyang Espiritu Magauban Kaninyo,” Liahona, Mayo 2018, 86–89.
-
Henry B. Eyring, “Dinasig nga Pagpangalagad,” Liahona, Mayo 2018, 61–64.
-
Jeffrey R. Holland, “Magpaduol ug Maglig-on Kanila,” Liahona, Mayo 2018, 101–3.
-
Jean B. Bingham, “Pagpangalagad sama sa Gibuhat sa Manluluwas,” Liahona, Mayo 2018, 104–7.
Makalingaw nga Kamatuoran!
-
103,221 ka mga misyonaryo ang nagserbisyo karon:
67,049 ka full-time
36,172 ka Church-service
-
7 ka bag-ong mga templo gipahibalo nga tukuron sa Salta, Argentina; Bengaluru, India; Managua, Nicaragua; Cagayan de Oro, Philippines; Utah, USA; Virginia, USA; ug usa ka siyudad nga tinuon pa sa Russia. Tan-awa ang mapa sa ibabaw.