Hifanaraka amin’ny Avia, hanaraka Ahy ny fandaharam-pianaran’ny Seminera

Ny fianarana seminera manerana izao tontolo izao atoato dia hifanaraka amin’ny fandaharam-pianarana sy ny fandaharam-potoana hita ao amin’ny Avia, hanaraka Ahy, fanovana izay hampivoatra ny rafitra handalinana ny filazantsara any an-tokantrano izay hamafisin’ny Fiangonana amin’ny alalan’ny fandalinana zavatra mitovy any an-tokantrano, sy any amin’ny Sekoly Alahady, ary any amin’ny seminera.

Manomboka ny taona 2020, ireo kilasin’ny seminera dia handalina ny bokin-tsoratra masina ampiasaina ho an’ny Avia, hanaraka Ahy isan-taona. Hanaraka fandaharam-potoana mandritra ny taona ny fianarana seminera fa tsy hanaraka ny fandaharam-potoan’ny taom-pianarana any an-tsekoly.

Na dia hitohy hifototra amin’ny soratra masina aza ny fianarana ao amin’ny seminera, dia hifototra bebe kokoa amin’ny fotopampianarana ilay fandaharam-pianarana ary hanampy mba hanamafy orina sy hiaro ary hanomana ny zatovo hanao asa fitoriana, hanambady ary hanompo ao amin’ny Fiangonana.

Mamakia lahatsoratra misy antsipiriany bebe kokoa izay ahitana rohy mankany amin’ny horonan-tsary iray ahitana ireo mpitarika ao amin’ny Fiangonana, ka tafiditra ao anatin’izany ny Loholoha Holland, miresaka ilay fanovana, ao amin’ny ChurchofJesusChrist.org/go/519122.