Ana Iteraniba te Aono
Mitinare a Kamauia Aman Aomata I Kiribati
Uoman mitinare man Ana Ekaretia Iesu Kristo ibukiia Aika a Itiaki ni Boong aika Kaitira aika a kamaiuia mwaane aika aman ake a kurati inanon te nei n aban te Betebeke i Kiribati.
Unimwaane Ulas ao Unimwaane Patane, a uaia ni beku n te Marshal islands / Kiribati mition ake a bwatika iaon te kawai ae aki bati ni kakabonganaaki iaon Tarawa ngke a noora te kaa ae bane butina ni kainetiia.
A tei mitinare ao a taratara te kaa ngke e tabe n kaan, ngke e a karina naba ni mino ni kiitana te kawai, rairaki n tararake ao n toki irarikin te nei ae uakaan.
N aron are e kona n noraki n te Tamnei ae airi ma ngaia, ana tabo te bwatintia n te kaa e kuri bane n tebonako n te ran ae bokaboka.
Mitinare aika uoman a waekoa ni biri ni kaineta te kaa are e a kan iinako ao Unimwaane Ulas e waekoa nako nanon te nei ma toana, Unimwaane Patane, e tiku ieta n tareboon ibukin te amburanti.
Teuana mataroan te kaa mai buki e uruaki ma te tekeraoi e kona ni kaukaki mataroan te kaa are mai moa ao e a kona ni katikiia mwaane n otinako temanna imwiin temanna ni kamaiuaki mai kabin te nei.
Unimwaane Ulas, mitinare ake a beku n Ana Ekaretia Iesu Kristo ibukiia Aika Itiaki ni Boong aika Kaitira, a kamaiua te turaiwa ao teniman riki ana bwatintia ake mwane. N te tai are te kaaman n aomata e katikaki ni kaotinakoaki man te kaa are e tabe n iinako, mwaane ake teniman a tia ni birinako. E ngae n anne, te turaiwa e a tia ni kamaiuaki man ikoakina ao rarabuabuana.
Waekoaia ni ibuobuoki, Unimwaane Ulas e kabongana te kiraati are e uruaki n te kaa mai moa ni korea iai bain ana baeki baeki ibukin bautan ma tukan te rara ae korakora n nako.
Imwiin tabeua te aoa n tatareboon ao n tataninga n ae maan, te amburanti e a roko ma bwaai ni ibuobuoki riki ibukin bwainaoraki.
Te turaiwa are e ikoaki e karabwaia mitinare ibukin aia mwakuri ao n ninikoria ao n kaotia ae ngaia kain Ana Ekaretia Iesu Kristo ibukiia Aika Itiaki ni Boong aika Kaitira “a bon maiuakina te bwai are a kabwarabwara iaona.”