Sary efatra avy amin’ny herinandron’ny Paska
“Ny fanjakako tsy avy amin’izao tontolo izao” (Jaona 18:36).
Satroka tsilo
Jereo ny Matio 27:29; Marka 15:17; Jaona 19:2.
Nosatrohin’ireo miaramila Rômana satroka tsilo ny Mpamonjy. “Io fihetsika tsy mifaditrovana io angamba dia fikasana haka tahaka amin-karatsiam-panahy ny fametrahana ravintsara eo amin’ny lohan’ny amperora. … Tena nandratra fanahy tokoa izany rehefa mieritreritra fa ny tsilo dia midika ho tsy fahafalian’ Andriamanitra rehefa nanozona ny tany noho i Adama Izy mba haniry tsilo izany nanomboka tamin’izay. Saingy rehefa nanao ilay satroka i Jesoa dia navadiny ho tandindon’ny voninahiny ireo tsilo” (Filoha James E. Faust, Apr. 1991 general conference).
Lamba volomparasy
Jereo ny Matio 27:28; Marka 15:17; Jaona 19:2.
Ny volomparasy dia loko natao ho an’ny mpanjaka, ary ireo miaramila dia nampitafy an’io lamba io an’i Jesoa tamim-panesoana satria nilaza ho mpanjakan’ny Jiosy Izy. Marina tokoa fa raha ny tena izy dia mihoatra lavitra izany Izy: Izy no “Mpanjakan’ny mpanjaka sy Tompon’ny tompo” (1 Timoty 6:15; Apokalypsy 19:16).
“Mivoaka ny mason-koditra rehetra ny ra, fa ho lehibe loatra ny fitaintainany” (Môzià 3:7).
Famotsehana oliva
Jereo ny Matio 26:36; Marka 14:32; Lioka 22:39–40; Jaona 18:1.
“Tena tandindona mampihetsi-po ny hoe -[n]ivoaka ny mason-koditra rehetra ny ra- [Môzià 3:7] raha nijaly i Jesoa tao Getsemane, ilay toerana izay midika hoe famotsehana oliva. Tamin’ny andron’ny Mpamonjy, mba hahazoana menaka oliva dia nopotsehana aloha ireo oliva tamin’ny fampandalovana vato lehibe teo ambonin’izy ireo. Ny -potsitr’oliva- azo avy eo dia natao anaty harona malefaka voarandrana malaladalaka, izay nampifampitaingenina. Ny havesatr’izy ireo no namoaka ilay menaka voalohany sy tsara indrindra. Ary avy eo dia nasiana vesatra fanampiny tamin’ny fametrahana vatan-kazo lehibe teo ambonin’ireo harona mifampitaingina ka mamoaka menaka bebe kokoa. Farany, mba hamoahana ny ambina menaka farany dia novesarana vato ilay vatan-kazo mba hahazoana ny fanapotserana mafy indrindra. Ary eny, toy ny lokon-dra ilay menaka raha vao mivoaka iny izy amin’ny voalohany” (Loholona D. Todd Christofferson, fihaonamben’ny Fiangonana maneran-tany, ôkt 2016).
“Tsy ato Izy fa efa nitsangana” (Lioka 24:6).
Fasana foana
Jereo ny Matio 28:1–8; Jaona 20:1–18.
“Ilay fasana foana tamin’izany maraina voalohan’ny Paska izany no valin’ny fanontaniana napetrak’i Joba hoe -Raha maty ny olona, moa ho velona indray va izy?- [Joba 14:14]. Ho an’ireo izay mandre ny feoko no hanambarako fa raha maty ny olona dia ho velona indray izy. Fantatsika izany satria manana ny hazavan’ny fahamarinana nambara isika” (Filoha Thomas S. Monson, “Efa nitsangana Izy!” Fihaonamben’ny Fiangonana maneran-tany aprily, 2010).
Sary maneho satroka tsilo nataon’i Dilleen Marsh
Kristy sy Pilato, nataon’i Marcus Vincent, nahazoana lalana avy tamin’ny Tranombakoky ny Fiangonana
Sarina famotsehana oliva avy amin’ny Getty Images