Ry ray aman-dreny malala,

Tany am-piandohan’ny lohataonan’ny taona 1820, dia nivavaka ary nahita ny Ray any An-danitra sy i Jesoa Kristy i Joseph Smith. Miresaka momba izany fotoana miavaka izany ity gazetiboky ity. Ireto misy pejy vitsivitsy tsara jerena:

• Misy sary maneho tantara izay milaza ny mahatonga ny Fiangonana naverina tamin’ny laoniny ho anisan’ny ao anatin’ny drafitr’ Andriamanitra (N4–10).

• Milaza ny fomba ahafahantsika mitondra fanampiana amin’ny Famerenana amin’ny laoniny ny Filoha Nelson (N2).

• Misy hira iray vaovao izay mampianatra momba ny Fahitana Voalohany (N16–17).

• Misy tantara iray izay mampianatra ny fomba ahafahan’ny Famerenana amin’ny laoniny mitahy ny fianakaviantsika (N20–21).

Tsy mahafinaritra ve izany hoe afaka ny ho isan’ny mpikambana ao aminʼ Ny Fiangonan’i Jesoa Kristy ho an’ny Olomasin’ny Andro Farany izany isika? Ndeha hozaraintsika amin’izao tontolo izao ny vaovao mahafalin’i Jesoa sy ny Fiangonany!

Arahabaina tratry ny Paska,

Namana

Ahoana no fomba handefasana ny asa tanan’ny zanakao na ny zavatra niainany any amin’ny Liahona

Midira ao amin’ny liahona.ChurchofJesusChrist.org ary tsindrio ny “Submit an Article or Feedback.” Na mandefasa email amin’ny [e-mail] miaraka amin’ny anaran’ny zanakao, ny taonany, ny tanàna ipetrahany ary ity fanambarana fanomezan-dalana ity: “Izaho, [ampidiro ny anarana], dia manome lalana Ny Fiangonan’i Jesoa Kristy ho an’ny Olomasin’ny Andro Farany mba hampiasa ny zavatra nalefan’ny zanako any amin’ny gazetibokin’ny Fiangonana, sy any amin’ireo tranonkalan’ny Fiangonana ary any amin’ireo sehatry ny tambazotran-tserasera sy izay mety ho fitaovana hafa ampiasain’ny Fiangonana.” Tsy andrinay ny handrenesana vaovao avy aminareo!

© 2020 by Intellectual Reserve, Inc. All rights reserved

Tadiavo ilay Liahona miafina ato!