Ahmad S. Corbitt

iMatai ni Daunivakasala ena Mataveiliutaki Raraba ni Cauravou

O Ahmad S. Corbitt, 57, a sucu ena Okosita ni 1962 vei James Earl Corbitt kei Amelia Corbitt. Na matavuvale e a dravudravua ka a bula tu ena vanua ni veivakavaletaki e Philadelphia, Pennsylvania, e Amerika, ka vakavolivoliti mai vei ira na daubasulawa kei na dauvakayaco itovo kaukauwa. A rerevaki sara na veitosoyaki mai na dua nai tikotiko ki na vei itikotiko voleka.

Ia na veivakauqeti vakayalo nei tinana a dau veidusimaki vei iratou na luvena lewe 10 ka dau maroroi ratou. A dau kila vinaka o koya na gauna me ratou qito kina e tautuba na luvena kei na gauna e dodonu me ratou tiko ga kina e lomanivale.

Sa ikoya na yalololoma vakayalo oya a qai muataki koya me sureti ira na daukaulotu mai Na Lotu i Jisu Karisito ni Yalododonu Edaidai ki na nona vale. Ena gauna balavu ni nona bula vaka gonetagane ka vaka itabagone, o Ahmad kei na nona matavuvale a dau lewena na Lotu ni Matanitu Vakamusulomani, ka a qai papitaiso emuri o koya vaka‑Protestant. Ia ena gauna oqo e sa vakila o koya ni sa lomani mai vei ira na ivavakoso ni Yalododonu Edaidai e kea.

Na tinana kei so na tacina eratou a papitaiso ena vula ka tarava. E nai ka 16 ni Okosita, 1980, ena nona i ka 18 ni siganisucu, a papitaiso talega kina o Ahmad. Na tamana vakacabecabe, o Henry Brandford Campbell, a curu ki na Lotu ena yabaki ka tarava.

“E a sega dina ni baleti keitou,” a kaya o koya. “E a baleta na Kalou kei na ka a vinakata o Koya me keitou cakava. Keitou a lomasoli me keitou yalomalumalumu ka yalorawarawa. E a liutaki keitou voli oKoya.”

Ni oti na vuli ena Ricks College kei na veiqaravi ena Tabana ni Kaulotu ena Puerto Rico San Juan mai na 1982 ki na 1984, a sotavi Jayne Joslin o koya ena dua na ilakolako ni valetabu ni itabagone qase cake. Erau a vakamau e nai ka 24 ni Okosita, 1985, ena Valetabu e Washington D.C. ka rau sa mai nodratou itubutubu e ono na gone.

Ena ciwa na yabaki ka tarava, a dau cakacaka voli ena siga ka vuli ena bogi, a qai rawata na koroi eso mai na Richard Stockton College e New Jersey kei na Koronivuli ni Lawa ena Rutgers Univesiti.

E sa veiqaravi oti vaka-daunivakasala ena mataveiliutaki ni iteki, peresitedi ni iteki, matabose e cake, ka peresitedi ni Tabana ni Kaulotu na Dominican Republic Santo Domingo East.

E cakacaka vaka loya o Brother Corbitt ni mataveilewai, ena veimaliwai raraba ka dairekita ni Valenivolavola ni Lotu e Niu Ioka ni Veika Raraba kei na Veika ni Veimatanitu. O koya e cakacaka tiko ena gauna oqo ena Tabana ni Kaulotu ni Lotu.