Te paraura’a ’aita, te fa’aro’ora’a ’aita

Te here nei te Metua i te ao ra ia tātou ’e te hina’aro nei ’oia ’ia pāruruhia tātou ! Te paraura’a tātou ē, ’aita, mai te mea e tītauhia, ’e te fa’aturara’a tātou ia vetahi ’ē ’ia parau mai rātou ia tātou ē, ’aita, e mau rāve’a te reira e nehenehe tātou e tāpe’a ia tātou iho ’e ia vetahi’ē ’ia vai pāruru-noa-hia.

I te tahi taime e tītauhia ia ’outou ’ia parau ’aita ma te maita’i.

« ’Aita, mauruuru. Nehenehe ānei rā te tahi pape » ?

Nō ’outou te taime i teie nei ! ’A feruri na e tītauhia ia ’outou ’ia parau ma te maita’i. E aha tā rātou e parau ?

I te tahi taime e tītauhia ia ’outou ’ia parau ’aita ma te pūai.

« ’Aita vau e hina’aro e hi’o i te reira. E’ita e ti’a ia tātou ’ia hi’o i te reira ».

Nō ’outou te taime i teie nei ! ’A feruri na e tītauhia ia ’outou ’ia parau ’aita ma te pūai. E aha tā rātou e parau ?

I te tahi taime e parau mai te ta’ata ia tātou ’aita nō te tauturu ia tātou ’ia vai pāruru-noa-hia ’e te tino maita’i.

« Eiaha ’oe e ’ino’ino, e’ita tā ’oe e nehenehe e haere. E ʼere i te mea pāruruhia ».

Nō ’outou te taime i teie nei ! ’A feruri na e parau mai te hō’ē ta’ata pa’ari ia ’outou ’aita, ’e ’aita ’outou e au. E aha tā ’outou e rave ?

I te tahi taime e parau mai te ta’ata ia tātou ē, ’aita, ’ia au ’ore ana’e rātou.

« Fa’aea ! ’Aita vau e au i teie ha’uti ».

Nō ’outou te taime i teie nei ! ’A feruri nā e ani mai te hō’ē ta’ata ia ’outou ’ia fa’aea i te rave i te hō’ē ’ohipa. E aha tā ’outou e rave ?

E mai te mea ē, ’aita te ta’ata e fa’aro’o mai ’ia parau ana’e ’outou ē, ’aita ? Ahani ē, e ha’apēpē rātou ia ’outou ’aore rā, e rave rātou i te hō’ē ’ohipa ’ino ?

• ’A haere ’ē atu, mai te mea ē, e nehenehe.

• ’A fa’a’ite i te hō’ē ta’ata pa’ari tā ’outou i ti’aturi i te ’ohipa i tupu.

• ’A ha’amana’o ē, e ’ere nō ’outou te hape.

• Noa atu te ’ohipa e tupu mai, ’ia ’ite mai ’outou ē, e here te Metua i te ao ra ’e o Iesu Mesia ia ’outou i te mau taime ato’a !