E te mau metua here ē,

’Ia pāruruhia ’e ’ia ’atu’atuhia te tamari’i pā’āto’a. ’Ua ha’amau Iesu i te hō’ē hi’ora’a nō te reira i roto i te Buka a Moromona, te ha’amaita’ira’a ’e i te purera’a nō te tamari’i tāta’itahi (a hi’o te mau ’api H20–23). Nāhea e nehenehe ai ia tātou ’ia ha’amaita’i ’e ’ia pāruru i te mau tamari’i tā tātou i ’ite ? Teie te tahi mau mana’o :

E nehenehe tātou e pāruru ia rātou i te pae tino ’e ’ia ha’api’i ia rātou ’ia fa’atura i te tino o tē tahi atu mau ta’ata (te mau ’api H12–13).
E nehenehe tātou e tauturu ’ia pāruru ia rātou i te pae varua nā roto i te faaitoitora’a ia rātou ’ia rave i te ’oro’a mo’a (te mau ’api H2–3).
E nehenehe tātou e ha’api’i ia rātou ’ia ani i te tauturu ’ia hina’aro ratou i te reira (te mau ’api H14–15).

E nehenehe ’outou e rave i te hō’ē o teie mau parau poro’i nō te tai’o ’āmui ’ei ’utuāfare. ’A ha’apāpū ē, ’ua ’ite tā ’outou mau tamari’i ē, ’ua here-roa-hia ratou !

’Ua here mātou ia ’outou.

Te Hoa

’A hāpono i te mau hōho’a peni ’aore rā, te ’itera’a a tā ’outou mau tamari’i i te Liahona

Haere i ni’a ia liahona.ChurchofJesusChrist.org ’e ’a tāumi « Submit an Article or Feedback ». ’Aore rā ’a hāpono rata uira mai ia mātou nei i te liahona@ChurchofJesusChrist.org tae noa atu i te i’oa o tā ’outou tamari’i, tōna matahiti, te ’oire fa’aeara’a, ’e teie parau fa’ati’a : « ’O vau, [tu’u i tō ’outou i’oa], tē fa’ati’a nei au i Te ’Ēkālesia a Iesu Mesia i te Feiā Mo’a i te mau Mahana Hope’a nei ’ia fa’a’ohipa i te mau mea i hāpōnohia atu e tā’u tamari’i i roto i te mau ve’a a te ’Ēkālesia, i ni’a i te mau tahua tūreiara’a a te ’Ēkālesia ’e i roto i te tahi atu mau mātēria a te ’Ēkālesia ». Maoro noa mātou i te fa’aro’o ia ’outou !

’Imi i te Liahona hunahia i roto !

I ni’a i te tāpo’i o te Hoa

Fa’ahōho’ara’a nā Jim Madsen