Mai, pe’e mai : Te Buka a Moromona
Nāhea e nehenehe ai iā’u ’ia pure mai tā te Fa’aora i ha’api’i ?
(28 nō Tetepa–11 nō ’Ātopa)
I te haerera’a te Mesia e fārerei i te ’āti Nephi, ’ua pure ’oia e o rātou 11 taime. Nā roto i te parau ’e te hi’ora’a, ’ua ha’api’i ’oia ia rātou nāhea e ti’a ai ia rātou ’ia pure. Te tāmau noa nei te mau peropheta, mau hi’o ’e mau heheu parau nō te mahana hope’a nei i te ha’api’i i te mau mea tā te Fa’aora i ha’api’i nō ni’a i te pure. Teie te tahi mau hi’ora’a :
|
E aha tā te Fa’aora i ha’api’i |
E aha tā te mau peropheta, mau hi’o ’e mau heheu parau e ha’api’i nei |
|
E pure nō vetahi ’ē (a hi’o 3 Nephi 17:14, 17, 21 ; ’a hi’o ato’a 3 Nephi 18:23) |
« Te purera’a nō vetahi ’ē ma te pūai ato’a o tō tātou vārua, e fa’arahi te reira i tō tātou ’aravihi ’ia fa’aro’o ’e ’ia ha’apa’o i te reo o te Fatu ».1 |
|
« Ara e ’ia pure i te mau taime ato’a » (3 Nephi 18:15) |
« E mea nā roto i te pure o te ’ā’au ’e te hina’aro mau, e ti’a ai ia tātou ia fāri’i i te mau ha’amaita’ira’a e hina’arohia ’e te pāturura’a e tītauhia nō te haere i tō tātou haere’a i roto i teie tere fifi ’e te teimaha i te tahi taime, tā tātou e parau nei te orara’a tahuti nei ».2 |
|
« E pure i roto i tō ’outou ’utuāfare » (3 Nephi 18:21 ; ’a hi’o ato’a 3 Nephi 17:3) |
« Mai te mea ē… [E ’āmui] ’outou i te mau mahana ato’a i roto i te pure ’utuāfare […] e fāri’i ’outou i te mau ha’amaita’ira’a tei fafauhia a te Fatu i roto i te fa’a’amura’a i te hō’ē huā’ai parau-ti’a ».3 |
|
’Eiaha e fa’arahi faufa’a ’ore noa i te parau (a hi’o 3 Nephi 19:24 ; ’a hi’o ato’a 3 Nephi 13:7) |
« ’Ia riro tā tātou mau pure ’ei mea ’ōhie, te ’āfaro ti’a, ’e te ’ā’au tae ».4 |
|
« E pure ā » (3 Nephi 19:26) |
« ’A pure pinepine. ’A pure i roto i tō ’outou ferurira’a, i roto i tō ’outou ’ā’au. ’A pure i ni’a i tō ’outou turi. Te pure, tā ’outou ’ia tāviri nō te haere i te ra‘i ra. Te pōnao, tei tō ’outou ïa pae o te pāruru ».5 |