Mai, pe’e mai : Te Buka a Moromona
Nāhea tātou ’ia ’āmui i roto i te « ’ohipa ūmerehia » a te Fatu ?
(12–18 nō ’ātopa)
I rotopu i te mau mea e rave rahi tā te Fa’aora i ha’api’i i te ’āti Nephi, ’ua ha’api’i ’oia ia rātou nō ni’a i te ha’aputuputura’a o Īsera’ela ’e ’ua fa’aue ia rātou ’ia tuatāpapa i te mau pāpa’ira’a mo’a ’e ’ia pāpa’i i tō rātou iho mau parau. Nāhea e nehenehe ai ia tātou ’ia pe’e i teie mau ha’api’ira’a i teie mahana ?
’Āmui i roto i te ’ohipa
’Ua tohu o Iesu Mesia i te hō’ē « ’ohipa ūmerehia » i te mau mahana hope’a nei (a hi’o 3 Nephi 21:9). Taua ’ohipa ra o te ha’aputuputura’a ïa ia Īsera’ela. ’Ua parau te Peresideni Russell M. Nelson i te reira « te tupu nei te ’ohipa faufa’a roa a’e i ni’a i te fenua nei i teie mahana » ’e nā ’ō a’era, « Mai te mea e mā’iti ’outou, mai te mea e hina’aro ’outou, e nehenehe ’outou e riro ’ei tuha’a rahi nō te reira ».1
-
Nāhea e nehenehe ai ia ’outou ’e tō ’outou ’utuāfare ’ia ha’api’i rahi atu nō ni’a i te ha’aputuputura’a o Īsera’ela ’e te ’āmuira’a i roto i te reira ?
’Imi i te mau peropheta
’Ua fa’aue te Fa’aora i te ’āti Nephi ’ia « ’imi i te mau peropheta » (3 Nephi 23:5). Tei ia tātou te rāve’a nō te fa’aro’o i te peropheta ora ’e i te tahi atu mau feiā fa’atere ’ia paraparau i roto i te ’āmuira’a rahi.
-
E aha te nehenehe ia ’outou ’ia rave nō te fāri’i hau atu mai roto mai i te ’āmuira’a rahi ?
-
Nāhea te « ’imira’a i te mau peropheta » i te tauturu ia tātou i te ha’aputuputura’a ia Īsera’ela ?
’A tāpe’a i te hō’ē parau pāpa’i
’Ua fa’aue Iesu i tāna mau pipi ’āti Nephi ’ia pāpa’i i te hō’ē parau pāpa’i o tāna mau ha’api’ira’a ’e te mau parau tohu a Samuela, te ’āti Lamana (a hi’o 3 Nephi 23:4, 6–13). E nehenehe ato’a tātou e pāpa’i i te mau ’itera’a o tō tātou orara’a nō te tauturu ia tātou ’e no te ha’api’i ia vetahi ’ē.
-
Tē vai ra ānei te mau ’itera’a pae vārua nō tahito ra ’aita ’outou i pāpa’i ?
-
Nāhea e nehenehe ai ia ’outou ’ia pāpa’i i te mau mea tā te Atua e ha’api’i nei ia ’outou ?