Fa’a’ite i te ’evanelia

Nā Elder Edward Dube

Nō te Hitu ’Ahuru

« ’Ia ha’api’ihia ’outou e au… ’e e noa’a ho’i te ora i tō ’outou vārua » (Mataio 11:29).

’Ua rave au i te ’ohipa nā te hō’ē ta’ata ’e ’ua hōro’a mai ’oia i te hō’ē Buka a Moromona. ’Aita rā vau i tai’o i te reira fātata e piti matahiti te maoro. I te hō’ē sābati, ’ua rave mai au i te Buka a Moromona e ’ua haere au i ni’a i te hō’ē purūmu terera’a pere’o’o auahi i rāpae i te ’oire nō Zimbabwe i reira vau e ora ai. ’Ua pārahi au i raro ’e ’ua ha’amata i te tai’o.

I te ha’amatara’a e mea fifi roa ’ia māramarama. Terā rā, ’ua tai’o fa’ahou vau i te ’itera’a pāpū o Iosepha Semita nā ni’a iho noa. ’Ua ha’aputapū tāna mau parau i tō’u ’ā’au.

I muri a’e, ’ua ani mai te hō’ē ta’ata iā’u ’ia haere mai i te purera’a. I te ha’amatara’a, ’ua huru ’ē ri’i au, nō reira ’ua pārahi au i muri roa. Terā rā, i te ha’amatara’a te ta’ata i te fa’a’ite i tō rātou ’itera’a pāpū nō ni’a i te Fa’aora o Iesu Mesia ’e te Buka a Moromona, ’ua ’ite au i te hō’ē mea nehenehe roa i roto.

’Aita i maoro i muri a’e i teie, ’ua haere mai te mau misiōnare i tō’u aroa. ’Aita i maoro, ’ua bāpetizohia vau. E rave rahi matahiti i muri a’e, ’ua fāri’i au i te ha’amaita’ira’a ’ia tāvini i te hō’ē misiōni ’e ’ia fa’a’ite i te ’ēvanelia i te tahi atu mau ta’ata e rave rahi.

’Ua tupu rahi te ’Ēkālesia i Zimbabwe. Terā rā, e rave rahi ā o tē nehenehe ia tātou ’ia rave nō te fa’a’ite i te ’ēvanelia, noa atu te vāhi tā tātou e fa’aea ra. Nā roto i te pure, te tuatāpapara’a i te mau pāpa’ira’a mo’a, ’e te pō ’utuāfare, e nehenehe ’outou e fa’arahi i tō’u ’itera’a pāpū ’e ’ia vai noa i pīha’i iho i te Metua i te ao ra. E nehenehe tō ’outou ’itera’a pāpū e ha’amaita’i i te orara’a o te mau ta’ata e rave rahi ’āti a’e te ao nei.