Mai, pe’e mai
Te parabole nō te Ta’ata Mana : E ha’api’ira’a nō te ha’apa’ora’a
Tē vauvau nei Te Parau Ha’api’ira’a ’e te mau Parau Fafau 101:43–62 i te hō’ē parabole tei hōro’ahia nō te fa’ata’a, nō te aha te feiā mo’a i ti’avaruhia ai i rāpae i Missouri.
I roto i te parabole, e ha’amata te mau tāvini i te patu i te hō’ē pare i muri iho rā ’ua fa’aoti rātou ē, « ’aita e hina’arohia » te hō’ē pare (Te Parau Ha’api’ira’a ’e te mau Parau Fafau 101:49). Nō te mea rā, ’aita rātou i patu i te pare, ’aita hō’ē a’e tā rātou e fa’aarara’a ’ia tomo ana’e mai te ’enemi ’e ’ia ha’amou i te ’ō vine.
’Ua ha’api’i te hō’ē ta’ata mana i tōna mau tāvini, ’ia tanu i te hō’ē ’ō vine ’e ’ia hāmani i te hō’ē ’āua nā te hiti i te mau tumu rā’au ’e hō’ē pare, ’ia nehenehe i te hō’ē tīa’i ’ia hi’o haere i ni’a i te fenua.
’Ua tanu te mau tāvini i te ’ō vine ’e ’ua patu i te ’āua, ’ua fa’aoti rā ’eiaha e patu i te pare.
’Ua ha’amou te ’enemi ’ite-’ore-hia i te ’ō vine.
Mau fa’ahōho’ara’a nā Ben Simonsen
E uiui noa ānei tō’u mana’o i te mau fa’auera’a a te Atua ?
’Ua uiui a’ena ānei ’outou mai te mau tāvini ē, e mea faufa’a ānei te hō’ē fa’auera’a ? Tē ha’api’i nei teie parabole ia tātou ē, e pāruru te mau fa’auera’a a te Fatu ia tātou ’e e tauturu ia tātou ’ia ora i te orara’a ’oa’oa (hi’o ato’a Mosia 2:41 ; Te Parau Ha’api’ira’a ’e te mau Parau Fafau 82:8–10).
E aha te ti’a ia tātou ’ia rave mai te mea ’aita tātou e ’ite ra i te tumu mau nō te hō’ē fa’auera’a ?
-
’A tuatāpapa i te tumu parau ’e ’a pure i te Fatu ’ia tauturu mai ia tātou « ’ia ’ite e mea ti’a ānei » (Te Parau Ha’api’ira’a ’e te mau Parau Fafau 9:8).
-
’A ha’amana’o i te mau taime i ma’iri ’a hōpoi mai ai te ha’apa’ora’a i te mau ha’amaita’ira’a.1
-
’A ha’a ma te fa’aro’o, te ti’aturira’a ē ’ua māramarama tātou « i muri a’e i te tāmatara’a o [tō tātou] fa’aro’o » (Etera 12:6).