E Kila o Jisu Karisito na Mosi Eda Vakila mai na Lewavakatani
E vakaitikotiko o koya e vola e Gauteng, ena Ceva kei Aferika.
Na noqu sasaga meu raici ira na tamata me vaka ena raici ira na iVakabula.
Ena dolavi raraba ni Valetabu e Roma Itali, era wavolita na lewenilotu kei na itokani na ivakatakarakara kei Karisito, me vaka e laurai ena katubaleka ni vale ni vulagi.
Au sa sotava oti na lewavakatani se veivakaduiduitaki ena dua na kena ivakarau se dua tale me rauta ni 20 na yabaki.
Niu sa lewena oti na Lotu mai Mozambique, au a toki ki Sauca Aferika. Oqo e dua na vanua totoka, e dua vei ira e sautu sara mai Aferika. Na kena totoka e waki vata na kedra duidui na kena tamata kei na vutuniyau ena itovo vakavanua.
Ko Sauca Aferika e dua na matanitu ka se vakacoko tikoga mai na dua na o ni itukutuku makawa ena tawasei ni kawatamata. E dina ga ni sa bokoci na veivakaduiduitaki ena 1994, na mawe ni lawatu taumada vaka-matanitu ni becanakawa e se tiko ga.
Me vaka niu dua na Yalododonu Edaidai marama Loaloa mai Mozambique ka vakaitikotiko mai Sauca Aferika ena 18 na yabaki sa oti, au dau raica na veivakaduiduitaki kei na sega ni okati, ka dau vakaraitaki vakawasoma ni veivakatotogani lalai. Na becinikawa, kalasitaki, vakayavusa, veisisivi tagane/yalewa, kei na catanakaitani e vica na ivakaraitaki ni ca ni tawasei e se sotava tikoga na tamata. E tiko e dua na ka e lomana na tamata vakayago ka vaka me via wasea na itikotiko ka vakavuna me da vakabauta ni duatani na tamata e ca.
Na Cava Eda Tovolea Me da Cakava
Ena rawa beka vei ira na lewe ni Lotu me ra rawai ena ivakarau ni vakasama oqo? Dina taucoko. Meda sa biuta tani kece na itovo vakayago ena noda sasaga ni bula taucoko meda yalododonu ena Veisorovaki i Karisito (raica na Mosaia 3:19).
Ena veigauna keirau dau galili kina kei iratou na luvequ, raibaleti, vakatikitikitaki, se raici vakatataro, keitou dau lako mai vale ka mai veitalanoataka. Keitou dau kaya, “Na cava e se qai yaco ga? Tou talaucaka mada oqo. Tou veivosakitaka mada na vuna era dau ivukivuki kina vakaoqo na tamata.” Ni keitou veivosakitaka ena vukea me mudu na neitou vakila me kakana e lomai keitou.
Au dau tovolea meu vakavulici ira na luvequ ni noda cecere e vakatau ena ivakarau eda raici ira kina na tamata era vakawaleni se vakatikitikitaki ena itikotiko (raica na Maciu 25:40). Oqori e rawa ni kena ibalebale me da vaqara na sala me da dolele yani vei ira na tani me da kakua kina ni vakuwai ira.
Meu Vakataki Jisu
Me vaka ni mosimosi eso na veikasotavi, na lesoni keitou vulica tiko sa cakava tiko me ra tamata vinaka cake na luvequ. Oi au talega. Na neitou yalorarawa e sa vukei keitou me tara cake na yalololoma kei na vakilai ira na tani.
Na veikasotavi ena lewavakatani e solia vei au e dua na madigi meu digidigi. Au na yalowiwi beka ka saumalesu, se meu na solia vua na tamata oya e sega walega ni dua tale na madigi ia na kena ikarua, na ikatolu, kei na ikava ni gauna? Au na raica beka na itikotiko me dua na vanua vakasevaki, se meu na dua na kaukauwa meu veisau vinaka kina?
A sotava talega na iVakabula na lewavakatani baleta se o cei o Koya, na ka e vakabauta, kei na vanua e cavutu mai kina o Koya (raica na Joni 1:46). Ia a sega ni sauma o Koya ena ivalavala kaukauwa, cudru, yalowiwi, se veicati. A veivakavulici me saqata na veika kece oqo ka cakacaka ena loloma kei na dina. E vakavuvulitaka o Koya ni kaukauwa kei na veivakayarayarataki e lako mai ena veivakauqeti, na vosota vakadede, na yalomalua, na yalomalumalumu, kei na loloma (raica na Vunau kei na Veiyalayalati 121:41). E vakavuvulitaka o Koya ni gauna eda vakacudrui kina, sa dodonu me da lako vua na tacida ka veivosakitaka vata (raica na Maciu 18:15). E vakavulici keda meda masulaki ira era vakacacani keda (raica na Maciu 5:38–48). Ia ni sa vakatovolei vakatawadodonu o Koya ka lili tu ena kauveilatai me mate, a vakavulici keda o Koya meda veivosoti (raica na Luke 23:34).
Kena itinitini, na Nona loloma ena veisautaki keda kei na vuravura (raica na 2 Nifai 26:24).
Kau na Tovolea Tikoga
Au sega ni tamata uasivi sara; Au sega ni dau veivosoti vakatotolo ni cala e dua e mataqu. E taura na gauna, e taura na veivakabulai, ka taura me cakacaka vata kei au na Yalo Tabu. Ena so na gauna au dau digitaka meu vakacudrui, kau sega ni ciqoma vakatotolo na Nona veivakauqeti. Ia kevaka au sa dolavi Au Vua, ena cakacaka vata kei au na Yalo me yacova niu sa kilamatata na veika e vinakata na Tamada Vakalomalagi meu cakava ena ituvaki o ya.
Na noqu sasaga meu raici ira dina na tamata me vaka ena raici ira na iVakabula. Me caka oqori, e dodonu me da yalorawarawa me da vakadinata ni sega vei keda na isaunitaro kece sara. Ni da sa yalorawarawa meda kaya, “Au sega ni vinaka sara; E levu na ka meu vulica. Na cava au rawa ni vulica mai na nodra rai na tani?” —oya na gauna eda sa na rawa ni rogoca dina sara. Oya na gauna eda sa rawa ni raica dina kina.
Niu lakova na ilakolako oqo, e veivuke meu nanuma tiko niu tiko eke me baleta e dua na inaki, ni veivakatovolei ni bula e sega ni ka walega—e dua na tiki yaga ni bula oqo—kau sega ni tiko duadua. Ena veika kece oqo, au sa saga tiko meu vakataki Jisu! Na vakatovolei e bulabula, kei na gauna eda druka kina, sa rawa ni da tovolea tale.