Itok Ļoor Eō
Wōn Eo Kar Inok?
Kōmeļeļe ko jān Denis Freitas
Baam̧le wōjke in ej kwaļo̧k ruo em̧m̧aan ro kar etaer in Inok ilo ļain eo an Adam im Iv, Ļeo nejin Cain etan Inok, ļaddik eo jibūn Adam (lale Moses 5), eoktak jān Jared ļeo nejin Inok, eo ekar jiljino ebeben likļo̧k jān Adam im ar kalōk jikin kweilo̧k in Zaion (lale Moses 6–7).
Elmen an kar rikanaan Inok uwaake kūr eo an?
Ke kar kūr Inok n̄an kwaļo̧k naan kōn ukweļo̧k, ekar en̄jake an likjab, kwaļo̧k n̄an Irooj bwe e ekar “rum̧wij ilo kōnono” (Moses 6:31). Bōtaab Anij ekar leļo̧k kajoor n̄an Inok im kar kallim̧uri, ”Kwōn kōpeļļo̧k lo̧n̄iūm, im enaaj obrak, im Inaaj lewōj n̄an eok ekkōnono.(Moses 6:32). Elōn̄ raar tōmak naan ko an, im Inok ekar kalōke jikin kweilo̧k in Zaion.
Keememejļo̧k waanjon̄ok eo an Inok, Elder David A. Bednar ekar kakeememej kōj ro me rej en̄jake etōr jān jon̄an, ejjab jokkun wōt juon, ak jab karbōb juon kūr kāāl, ak eddo me kar “kalimur an Anij ñan Inok ej bar einwōt ta ko rej walok … rainin” (“In the Strength of the Lord,” general conference, Oct. 2004).