Itok, Ļoor Eō

Kōjeraam̧m̧an ko jān Ekkatak Kallim̧ur M̧okta

Jān Būreejtōņ Mark L. Pace

Būreejtōn eo Eutiej an Jabōt Jikuuļ

Būreejtōn Mark L. Pace

Ilo ad riiti jepta ko im eoon ko an bok in etto in an jeje ko rekwojarjar, naaj bōbrae kōj ilo jetōb.

Jesus Christ with stars in background

Kallim̧ur ko an Būreejtōn Nelson rej m̧wilaļ, im rej m̧ool.

Kraist im Kōm̧anm̧an Eo, jān Robert T. Barrett

Karuwainene tok n̄an 2022 ekkatak kōn Kallim̧ur M̧okta, kobaļo̧k ippān Itok, Ļoor Eō kein jipan̄ eo āinwōt juon unin tōl! Kallim̧ur M̧okta ej juon kōro̧ro in jeje ko rekwojarjar me kar kōjparoke jān pein Anij n̄an kōj n̄an riiti im kejekļo̧jkeņ. Emaron̄ juon kōjeraam̧m̧an ak unin tōl n̄an kōj ilo raan kein āliktata.

Kallim̧ur M̧okta ej letok n̄an kōj tarrin 3,500-iio in likio in tōmak im wujiepļo̧k jān bōlen tōre kane 4,000 BC n̄an 500 BC. Ewōr 39 bok ko ilo Kallim̧ur M̧okta. Jenesis ej koba in emen tōre in bōk eddo ko an Adam, Inok, Noa, im Ebream. Bok ko jet 38, Exodus n̄an Malakai, raar kōm̧m̧an wōt n̄an tōre in iien bōk eddo eo an Moses.

Ilo ad riiti Kallim̧ur M̧okta, jenaaj etal im iminene kōn rikanaan ro ie im jeļā kōn katak ko aer. Raar katakin kōn gospel eo an Jisōs Kraist. Raar kanaan im reim̧aanļo̧k n̄an itok eo an Messaia eo. Katak ko aer reim̧we kar kōjparoki n̄an tōre in ad.

Ilo ad riiti jepta ko im eoon ko an Kallim̧ur M̧okta, naaj bōbrae kōj ilo jetōb. Jetōb Kwojarjar eo enaaj bōktok n̄an kōj eoon in jeje ko rekwojarjar rejenolo̧k me renaaj erom juon kajoor n̄an kōj ilo ad reim̧aanļo̧k n̄an Itok eo Kein Karuo an Rilo̧mo̧o̧r eo.

Juon Kajjitōk Eim̧we

Ikōņaan kwaļo̧k juon bwebwenato kōn ekōjkan an juon eoon jān Kallim̧ur M̧okta kar kareel eō ilo aolepān mour eo aō.

Ilo 1974 eo, ikar 17 iiō detta. Ikar lukkuun m̧ōņōņō ilo mour āinwōt juon junior ilo aijkuuļ. Ikar reim̧aanļo̧k n̄an mijen eo aō. Ilo Oktoba 1974 Ensign māākjin eo, ikar riiti juon ennaan ekajoor jān Būreejtōn Spencer W. Kimball (1895–1985) kar taitōļ in “N̄aat eo Laļ in Enaaj Oktak.”¹ Ikar riiti elōn̄ kōttan jān iien eo. Tok n̄an rainin ej im̧weō.

Būreejtōn Kimball ekar kwaļo̧k juon kōļmenļo̧kjeņ edepakpak n̄an aolepān lal kōn eddōkļo̧k eo an Kabun̄ Eo an Jisōs Kraist im Armej Ro Rekwojarjar Ilo Raan Ko Āliktata. Ekar katakin kōn iien eo ad em̧m̧an im edo eo n̄an bōk gospel eo n̄an aolepān laļ in. Būreejtōn Kimball ekar kouti juon eoon jān bok in Jenesis. Ekar im̧we eō ilo tōre eo im ekar wōnm̧aanļo̧k wōt n̄an an im̧we eō ilo aolepān mour eo aō: “Ewor ke men eo Jeova e jab maroñe?” (Jenesis 18:14, eo jikejuuli n̄an ekkatak kake ilo Pāpode).

Abraham praying

Ebream ilo Melaj in Mamre eo, jān Grant Romney Clawson; pija in mijenare ro jān Alicia Cerva; pija in lal in jān Getty Images

Būreejtōn Kimball ar etale bwebwenato eo an Ebream im Sera ekar ettōn̄ kōn kallim̧ur eo an Irooj bwe e im Ebream enaaj kar wōr juon nejierro ļaddik. Kar jan̄in de kōjeraam̧m̧an er kōn ajri ro. Erro kar ilo tōre eo, erro make, 90 im 100 iiō dettaer. Emōj an motlok iiō in an lōñ nejjierro.

“ Im Jeova ear ba n̄an Ebream, Etke Sera ej ettōn̄ … ?”

“Ewor ke men eo Jeova e jab maron̄e?” Ilo iien eo Iar ba, Inaaj jepḷaaktok ñan ippaṃ, ñe e jejjet iien, im Sera enaaj neje ṃaan” (Jenesis 18:13–14).

Ebream im Sera raar kōjerbal tōmak. Irooj ekar dāpij wōt kallim̧ur eo An. Isaac eaar ļotak. Ebream ekar erom jemen aolep laļ.

Kajoor n̄an Jelm̧ae Apan̄ ko

“Ewor ke men eo Jeova e jab maron̄e?” Eoon in an Kallim̧ur M̧okta ekar kōkajoor eō ke ikar jelm̧ae apan̄ ko im inepatak ko an mour in:

• Āinwōt juon mijenede kāāl ke ikar en̄jake tōr jān jon̄an. “Ewor ke men eo Jeova e jab maron̄e?”

• Ālkin mijen eo aō, ke Anne Marie im ña kōm̧ro kar ļōmņak in m̧are im kar ikūm̧kūm̧ kōn ekōjkan kōļļā m̧ōn̄ā ko, reen, im wōņaan kaļōj. “Ewor ke men eo Jeova e jab maron̄e?”

• Āinwōt rim̧are ro rekāāl, karuwaineneiktok ajri ro im kile eddo kio ikkijien jāān im eddo in mour. “Ewor ke men eo Jeova e jab maron̄e?”

• Jelm̧ae apan̄ ko an graduate school, eddōkļo̧k an juon baam̧le, im jino juon jerbal. “Ewor ke men eo Jeova e jab maron̄e?”

• Ke ikar būreejtōn an Spain Barcelona Mijen, Anne Marie im n̄a kar āliji elōkļo̧k n̄an eoon in n̄e katakin mijenede ro. “Ewor ke men eo Jeova e jab maron̄e?” Leta ko an mijenede ro am emakijkij aer kōn kōjjjem̧ļo̧k kōņ juon kautiej n̄an, “Ewor ke men eo Jeova e jab maron̄e?”

Juon Pedped an Jeje ko Rekwojarjar

reproduction of stone tablets with Ten Commandments

Moses are kejonolok lometo, jān Robert T. Barrett; Adam im Iv ilo Jikin Kallib eo, jān Lowell Bruce Bennett; komanman in stone tablets jān Getty Images; pija in San DiegoTemple by Monica Georgina Alvarado Zarate

Eoon in an jeje ko rekwojarjar ej juon iaan waanjon̄ak ko rellōn̄ kōn eoon ko reim̧we loi ilo Kallim̧ur M̧okta Ijeļā elōn̄ ro me em̧ōj aer kadede im̧we kom̧. Ilo ad lukkuun kōņaan im jar ilo riiti Kallim̧ur M̧okta ilo iiō in, Jetōb Kwojarjar eo enaaj bōktok n̄an kōlmenļo̧kjeņ eo ad damoļo̧k in eoon ko rejenolo̧k me renaaj kōkajoorļo̧k oktak eo ad n̄an Jisōs Kraist im gospel eo An.

Kallim̧ur M̧okta epād ie katak eo im pedped in katak ko an aorōk ejjeļo̧k jem̧ļo̧kier. Eped ie naan in kanaan ko me rejjan̄in de kūrm̧ool. Ej katakin kōj kōn ia eo jaar itok jāne. Im ej katakin kōj kōn bujen eo an Ebream, eo ekab de jerbal wōt rainin.

Kallim̧ur M̧okta ej letok juon pedped n̄an jeje ko rekwojarjar jet ad. Ilo an ļapļo̧k ad meļeļe kōn Kallim̧ur M̧okta, eļapļo̧k meļeļe eo ad kōn bok ko jet an jeje ko rekwojarjar, kōnke katak ko an rej waļo̧k ilo bok in jeje ko rekwojarar jet:

• Ilo tōre in jerbal in karejar eo An, Rilo̧mo̧o̧r eo ekar kōjerbal eoon ko jān Kallim̧ur M̧okta.

• Liai im baamle eo an raar bōk pilej brass ko, eo ekar pād ie eoon ko jān Kallim̧ur M̧okta

• Nipai ar katakin Jekab jān kōnono jān bok in Aisea ilo Kallim̧ur M̧okta.

• Ilo iien loļo̧k eo An n̄an Rinipai ro ālkin Jerkakpeje eo An, Jisōs Kraist ekar kōnono jān Aiseia im Malakai ilo Kallim̧ur M̧okta

beings appearing to Joseph Smith and Oliver Cowdery in Kirtland Temple

Visōon eo ilo Kirtland Temple, jān Gary Smith; The Second Coming, jān Harry Anderson

Rikanaan ro im katak ko ilo Kallim̧ur M̧okta rej barāinwōt ioļapļap n̄an ennaan eo an Jepļaaktok eo an gospel eo ilo tōre in ad:

• Ilo loļo̧k ko an im̧aan tata n̄an Rikanaan Josep Smith, Moronai ekar kōnono jān Malakai

• Bōōr eo Eļap Wōņāān epād ie bok ko an Ebream im Moses.

• Moses, Elias, im Elijah kar leļo̧k priesthood ki ko aer ñan Rikanaan Josep Smith ilo Kirtland Tempeļ.

Ta Jibadbad eo?

Ilo ad riiti bok ko lo Kallim̧ur M̧okta, jej aikuj kile bwe bok ko me kar kāāleti, kōmejajaik, im karōk ilo juon wāween kōn juon un an ekkatak kōn kabun̄. Emaron̄ jetjet ad kajjitōk ippād make, “Etke meļeļe in kar kobaiktok im ta jibadbad in jerbal eo an?”

Ilo an jet iaan m̧ōttan ko an Kallim̧ur M̧okta maroñ pen n̄an meļeļe, jej aikuj keememej bwe ewōr men aorōk me jejjab aikuj kowane. Āinwōt an kar Josep Smith katakin, “Jej tōmak bwe Baibōļ eo ej naan an Anij toun wōt an jim̧we ukok eo an” (Laajrak in Tōmak 1:8). Em̧ool jej jeraam̧m̧an kōn ekkatak naan eo an Anij!

Emaron̄ in jipan̄ ilo ad ekkatak kōn Kallim̧ur M̧okta n̄an pukōt unin tōl ko im meļeļe ko. Jej aikuj pukōt wāween ko n̄an kōkōm̧anm̧anļo̧k ad meļeļe bwe Anij eo an Kallim̧ur M̧okta ej barāinwōt Anij eo an Kallim̧ur Ekāāl. Jeova ej Jisōs Kraist. Ekōjkan an ekkatak Kallim̧ur M̧okta jipan̄ kōj em̧m̧anļo̧k ad jeļā kōn Rilo̧mo̧o̧r eo ad?

Unin tōl eo juon eļap me ij lo ilo Kallim̧ur M̧okta ekoba bujen ko, kwojarjar, rikanaan ro remour, kaarmejete im pokake, tōmak im ukweļo̧k, nebar Irooj, im kajoor eo an Anij.

Ilo ad ekkatak, jej aikuj keememej bwe revelesōn ilo raan ko āliktata rej letok n̄an kōj kōn juon meļeļe eļapļo̧k an dipio kōn Kallim̧ur M̧okta N̄an waanjon̄ak, kam̧oolol kōn revelesōn eo raan kein, jejeļā bwe rikanaan ro an Kallim̧ur M̧okta raar kabwijer Melkisedek Priesthood eo im bwe rikanaan ro ilo tōre in iien bōk eddo ko im̧aanļo̧k raar jeļā im kar katakin gospel eo an Jisōs Kraist.

Kallim̧ur ko an Juon Rikanaan

Ilo tōre in iien bōk eddo in, jej bar juon alen jeraam̧m̧an n̄an jeļā bwe rikanaan ro im rijilōk ro rej letok katak ko reim̧we im kalilōk.

Elder Quentin L. Cook jān Doulul eo an Jon̄oulruo Rijjilōk ro kar jinoin kwaļo̧k kadkad Itok, Ļoor Eō—N̄an Kajjojo Armej im Baam̧le ko ilo kar Oktoba 2018 kweilo̧k eo eļap.² Kein jipan̄ in ekar juon kōjeraam̧m̧an eļap n̄an kōjwōj aolep. Iiō ko jilu rej jem̧ļo̧kļo̧k ekar letok n̄an eō jet iaan en̄jake ko an ekkatak jeje ko rekwojarjar rem̧wilaļ im ļap meļeļeier ilo mour eo aō. Ijeļā bwe ejja kōjeraam̧m̧an ko wōt rej kōttar kōj kajjojo ilo 2022.

Būreejtōn Russell M. Nelson ekar ba bwe ilo ad ukōt im̧ōko imōd n̄an jikin likōpejn̄an an tōmak im jikin ko an ekkatak gospel eo, jenaaj bōk emen kōjeraam̧m̧an ko rejenolo̧k:

1. “Ilo iien ko raan in Jabōt ko ami renaaj em̧ool erom̧ juon men elan̄lōn̄.”

2. “Ajri ro nejimi renaaj m̧ōņōņō in ekkatak im mour kōn katak ko an Rilo̧mo̧o̧r eo.”

3. “Im kareel ko an rikapo ilo mour eo ami im ilo m̧weo imōmi enaaj rikļo̧k.”

4. “Oktak ko ilo baam̧le eo ami renaaj em̧m̧an im kajoorļo̧k.”³

Kallim̧ur ko an Būreejtōn Nelson rej m̧wilaļ, im rej m̧ool. Kōjeraam̧m̧an kein em̧ōj aer erom kūrm̧ool im renaaj wōnm̧aanļo̧k wōt ilo 2022 ilo ad ekkatak im katak jān Kallim̧ur M̧okta,

Kakeememej ko

1. Lale Spencer W. Kimball, “When the World Will Be Converted,” Ensign, October 1974, 2–14.

2. Lale Quentin L. Cook, “Oktak eo Em̧wilaļ im Aitok Kitien n̄an Jemedwōj Ilan̄ im Irooj Jisōs Kraist,” Liaona, Nob. 2018, 8–12.

3. Russell M. Nelson, “Erom̧ Riwaanjon̄ak ro rej Armej ro Rekwojarjar ilo Raan-ko Āliktata,” Liaona, Nob. 2018, 113.