Ruwainene n̄an Bok In

Ijjino ko im Kallim̧ur M̧okta

Pija

Jesus Christ with stars in background

Kraist im Kōm̧anm̧an Eo, jān Robert T. Barrett

Ej jinoin juon iiō kāāl, eo āinwōt juon iien eo ejetjet emakeļo̧k n̄an ļōmņak kōn ijjino ko.

Iiō in, Kallim̧ur M̧okta im Bōōr Eo Eļap Wōņāān naaj bōkļo̧k kōj ilo juon iien kōn jet iaan ijjino ko reļļap tata im rejej uwaer im armej rekar jeļā kaki.

Emaron̄ em̧m̧anļo̧k ad jeļā kōn Jisōs Kraist, eo ekar pād ippān Jemen “ilo jinoin”(Ebream 4:1). Jemaron̄ riit kōn Kōm̧anm̧an eo an laļ im ijjino eo an mour in. Jemaron̄ ekkatak kōn ijjino ko an ukweļo̧k, baam̧le, kien ko, im kabun̄ jar ilo tampeļ ioon laļ in. Jemaron̄ ekkatak kōn ijjino eo an bujen ko rekwojarjar me rej wōnm̧aanļo̧k wōt n̄an ļōme mour ko ad rainin.

Im eļan̄n̄e jejjan̄in de iakwe Kallim̧ur M̧okta, rainin emaron̄ kakōļļeik ijjino eo an juon tōre in ekkatak kāāl, im etale. Ilo peij 20, ij kwaļo̧k jet m̧ool ko me raar jipan̄ eō kōļapļo̧k aō itok limo kōn bok in an jeje ko rekwojarjar im lale katak ko an kōn juon jibadbad ekāāl im ekajoor. Ilo peij 26, Būreejtōn Mark L. Pace, Būreejtōn eo Eutiej an Jabōt Jikuuļ, ej kwaļo̧k kōjeraam̧m̧an ko rekajoor jemaron̄ būki eļan̄n̄e jej m̧ōņōņō in riiti “ilo wāween eo ekaitoktok limo im ilo jar.”

Ilōn̄ in aolep men, jen keememej bwe juon ijjino kāāl an to̧o̧n wōt ad mour ej pidodo kōnke kōn Jisōs Kraist. Ilo ennaan eo an Elder Quentin L. Cook ilo peij 6, ej kam̧ool bwe “aolep men rebban jako” kōnke ad Rilo̧mo̧o̧r ej kōttar kōj kōn pā ko pein me ej elļo̧ki. Kōn jouj eo An, jemaron̄ wōnm̧aanļo̧k wōt ilo iaļ eo ad ilo jetōb an rūtto ro ad etto ekar ijjino elōn̄ iiō ko remootļo̧k.

Ij kōjatdikdik bwe iiō in eobrak kōn ijjino ko rem̧m̧an n̄an kōjwōj kajjojo!

Marissa Widdison

Assistant Managing Editor, Gospel Living App