Ainikien ko an Armej ro Rekwojarjar ilo Raan Ko Āliktata
Pet eo ioon Būļoor eo
Ijjab watōk jipan̄ jinō kōn jerbal ko an ilo m̧weo, bōtaab etke aolep iien ij lo juon pet ioon būļoor eo?
Ium̧win elōn̄ iiō ko, ikar loļo̧k m̧weo im̧ōn jinō n̄an jipan̄ e kōn jerbal ko an ilo m̧weo. Ekar 80 an iiō im ej juon membōr in Kabun̄ eo an Jisōs Kraist im Armej ro Rekwōjarjar ilo Raan Ko Āliktata me eļap an tōmak.
Jino ekar make iaan jān ke jema ekar mej. Men eo em̧m̧an tata ippān ej loļo̧k kajjojo imōko im̧ōn ajri ro nejin jilu, joļo̧k iien ippāer im ajri ro jibūn, im kōmat m̧ōn̄ā ko me rej kam̧ōņōņōik armej.
Aolep iien ikar loļo̧k m̧weo im̧ōn jinō n̄an karreoik im lale bwe aolep men ren koņ ilo jejjetin, ikar lo juon pet em̧or ioon būļoor eo. Jen ien nan ien ij kotake im likiti ioon jea en, ij ellotaan ippa make kōn an jino jabre.
Iien eo tok juon ke ij bar ro̧o̧ltok n̄an lotok im jipan̄ jinō, inaaj bar juon alen lo pet eo ioon būļoor eo. Ijjan̄in kar ba jabdewōt n̄an jinō kōn pet eo, bōtaab juon jibbon̄ āliktata ikar jeļā etke ekar aolep iien pād ioon būļoor eo.
Jinō ekar aikuj juon men epidodo n̄an an bukwelōlō im jar. Ekar juon kōrā erūtto, bōtaab tōmak eo an edim ekar tōlļo̧k e bwe en bukwelōlō im jar aolep raan. Ekkein jar kōn ajri ro nejin im ajri ro jibūn. Ekkein jar kōn ro m̧ōttan. Ekkein jar kōn ro eļap tata aer aikuj. Im ekkein jar kōn ro me rejitōnbōro ippān aolep iien im, men̄e ilo an rūtto, ekar kea wōt kōn er.
Rainin, ejako aō ellotaan ippa make n̄e ij lo pet eo ioon būļoor eo. Ilo iien ko, em̧ool ij bukwelōlō ioon juon men epidodo n̄an jar n̄an Jemedwōj Ilan̄, kwaļo̧k kam̧m̧oolol kōn tōmak eo im waanjon̄ak eo an jinō.