Pedped in katak ko an Jerbal in Karejar
Kōm̧m̧an bwe Jerbal in Karejar eo en ļap Meļeļe in
Eļan̄n̄e kwoj ļōmņak eļan̄n̄e jerbal in karejar eo am̧ eļap meļeļe in, ļōm̧ņak kōn aitia kein.
Epidodo n̄an ļōmņak eļan̄n̄e jerbal in karejar eo ad ej kōm̧m̧ane juon oktak, eļap tata n̄e jej jelm̧ae apan̄ ko ad make.
Ilo tōre in mour eo aō m̧okta jān aō pād ilo wiiļ jea, ekar em̧m̧an ippa n̄e ij loe aer jako to jake tak clipboard eo ilo Doulul eo an Kōra ro. Ekkā wot aō je eta n̄an kōm̧m̧an jerbal in jipan̄. Ekar juon wāween n̄an kwaļo̧k m̧ōņōņō eo aō “n̄an ineek eddo ko an ro jet”(Mosaia 18:8).
Ejjab an clipboard eo bōd ikar jab maron̄ bar je eta ie. Ilo m̧ool, ijjab maron̄ kar je eta n̄an jidik. Kōnke ikar wōtame ilo ānbwin, ikar jab maron̄ em̧ool jibwe clipboard eo. Ejjeļo̧k juon ekar kōtmene bwe in je eta ie. Bōtaab, oh, ewi jon̄an aō kar kōņaan! Jerbal in jipan̄ eo ej jepooļ kōj kōn iakwe eo an Anij im ekkejel ko n̄an ro jet. Ilukkuun kar aikuji en̄jake in n̄an ekkeijel in iaia eo ippa make.
Kōnke ikar aikuji armej ro n̄an jipan̄ kea kōn n̄a, jerbal in jipan̄ eo aō ekar jab āinwōt juon kijejeto aorōk enaaj kar aikuj an ro jet jipan̄ eō. Clipboard eo ekar erom juon kakeememej kōn ta eo iijjamin bar kōm̧m̧ane—kōpetata in m̧ae iien eo jeiū jatū kōrā in jerbal in karejar eo aō ekar lo aō ajjimakeke.
Liin ekar kajjitōk ippa ta eo ikōņaan kōm̧m̧ane n̄an jerbal, ekar jab ta eo ikar aikuj in kōm̧m̧ane n̄an n̄a. Innām liin ekar je eta ilo clipboard eo. Liin ekar itok n̄an m̧weo im̧ō im kar jipan̄ eō kōm̧m̧ane m̧ōn̄ā ko ikar balintier n̄an kōpooji n̄an ro jet. Liin ekar jab elmakote bwe ikar pād ilo aikuj kōn eļap jipan̄ kōn n̄a make me ijjab aikuj in kar kajjieon̄ n̄an jipan̄ ro jet. Liin ekar m̧ōņōņō in joļo̧k iien ippa.
Ilo jem̧ļo̧kin, iaar kili kijejeto ko aō raar aorōk. Kōn jipañ eo an jeiū jatū kōrā in jerbal in karejar, iaar maroñ in kōm̧m̧aen jet men. Eļan̄n̄e ak jaab me juon men ekar meļeļe in jabdewōt men n̄an bar juon, ekar kōm̧m̧ane juon oktak n̄an n̄a. Men̄e ekar jab lukkuun kōjeraam̧m̧an baam̧le eo aō ak kemour ānbwinnū, ekar jipan̄ kemour būruō.
EmRee Pugmire
Utah, USA
Kōn Jipan̄ eo An, Eļapļo̧k Am̧ Bwe
Jikin Kweilo̧k Zaion kar bōk jān laļ in ilo an kar jab mej, jān Del Parson; pija jān kilaj in kakkileplok eo an Pija ko an Getty
Ekkā n̄an en̄jake jabwe n̄an kōm̧m̧ane jerbal eo an Irooj. Rikannaan eo Inok ekar en̄jake wāween in barāinwōt. Ke Irooj ekar kakien e n̄an kūr armej ro n̄an ukweļo̧k, ekar inepata kōnke ekar “n̄aij juon ļaddik wōt, im aolep armej rej dike eō; bwe n̄aij rum̧wij ilo kōnono” (Moses 6:31).
Bōtaab Irooj ekar kallim̧ur bwe E enaaj kar pād ippān Inok im bwe Jetōb eo An enaaj kar pād ioon, im, “aolep naan ko am Inaaj kajejjeti; … kōm menin,” E ekar kajjitōk, “etetal ippa” (Moses 6:34).
Inkōk ekar pokake ta eo Irooj ekar kakiene, im ekar erom juon eo eļap kilaan ioon armej ro, ejjab kōnke kōn kajoor eo an make ak kōnke kōn “kajoor in kajin eo me Anij eaar leļo̧k n̄an e” (Moses 7:13).
Pedped in Katak ko n̄an Ļōmņak kaki
Eļan̄n̄e kwoj ļōmņak eļan̄n̄e jerbal in karejar eo am̧ eļap meļeļe in, ļōmņak kōn pedped in katak kein:
-
Meļeļe kōn jerbal in karejar eo im jibadbad ko an enaaj jipan̄ kōj ekejate kijejeto ko ad ilo jetjetļo̧k.
-
Jerbal in karejar eo eļap jān kalōk jemjerā ko rekajoorļo̧k; ej kōn jipan̄ ro jet kōkajoorļo̧k jemjerā eo aer ippān Rilo̧mo̧o̧r eo.1
-
Jerbal in karejar eo ejjab baj juon ijjitōn̄; ej kōn ekōjkan ad mour kōn bujen ko ad n̄an jerbal n̄an E kōn kea kōn doon.
-
Jerbal in karejar ejjab juon jekjek eo emakeļo̧k. Ej jipan̄ kōj eddōkļo̧k ilo ad okoktak n̄an jekjek eo im kappukot im̧we n̄an jerbal in karejar āinwōt an Rilo̧mo̧o̧r eo kar kōm̧m̧ane.
-
-
Meļeļe ekōjkan an Anij lo jerbal in karejar eo ad emaron ukōt ta ko jej loi.
-
Anij ejjab jon̄e jerbal in karejar eo pedped ioon tōprak ro rekabwilōn̄lōn̄ ak eļan̄n̄e kijejeto ko ad rej em̧ool m̧ōņōņō kaki (lale waanjoñok eo an Oliver Granger ilo Katak im Bujen Ko 117:12-13).2
-
N̄e ikdeelel eo em̧m̧an im jej kōm̧m̧ane juon kijejeto em̧ool, jerbal in karejar eo ad ej ļap meļeļe in n̄an E(lale Katak im Bujen Ko 4:2,5).
-
Anij ej m̧ōņōņō in kōļapļo̧k men̄e “jebal in jipan̄ eo ad edik ak etinaad”3 (lale Katak im Bujen Ko 123:17).
-
Ta Eo Jemaron̄ Kōm̧m̧ane?
Ijello̧kin ad inepata kōn ta eo kwoj ļōmņak kwojjab maron̄ kōm̧m̧ane, jar ilo ļōmņak kōn ta eo kwomaron̄ kōm̧m̧ane. Innām jerbal. Ilo am jerbal ilo etan Irooj, E emaron̄ kōļapļo̧k kijejeto ko am̧ im kōjerbali n̄an kōjeraam̧m̧an kwe im ro jet (lale 2 Nipai 32:9).