Ainikien ko an Armej ro Rekwojarjar ilo Raan Ko Āliktata
Ewōr juon Aer Bok in Mormon Ijin!
Ke ikar jibwe Bok in Mormon eo ilo peiū, ikar en̄jake an eddo ko aō jakoļo̧k ilo okmeņeņ in iakwe eo an Rilo̧mo̧o̧r.
Pija ko jān Jacob A. Brown
Juon Jadede ilo lukwoļpen juon iien m̧ōļo, lio pāleō im n̄a kar kawōr tokjān juon raan okmāneen ak m̧ōlo n̄an jeļā ļo̧k kajjien ro rūturūm̧ Kōmij kab em̧m̧akūt taujin m̧aiļ ko jān kapijuknen eo am n̄an East Coast in United States n̄an pukōt jeļāļo̧kjeņ im jerbal ko rem̧m̧an.
Kōm kar kāālet n̄an etetalļo̧k n̄an juon university epaak kōmij jan̄in de kar etal n̄an e. Ejjab to jān iien eo kōm kar lo ļaiprāre eo an university eo. Ekar itok limoin am riit, im lio pāleō, juon rijikuuļ, ekar kōņaan lo ta kein jipan̄ ko emaron̄ in kar loi n̄an ekkatak ko an. Kōnke ekar ekkatak kōn bwebwenato in kabun̄, ekar etale kōro̧ro in bok ko an jekjōn eo an kabun̄ ilo ļaiprāre eo. Ke kōmro kar lale jet iaan taitōļ ko rekaitoktok limo, juon bok edik kōn juon kōbar ebūļu iminene kake ekar kamad aō.
“Ewōr aer Bok in Mormon ijin!” Ikar unoojdikdik ilo lo̧udin̄din̄.
Ikar bōk bok eo jān jāļōp eo. Ekar juon bok eo em̧or, im ikar ļōmņak ewi aitokan an kar pād ijo. Ta eo ekar lukkuun kōm̧m̧an menin aō lale ekar juon peba edik kar kūļuki ilowaan kōbar eo itum̧aan.
Peba eo ekar juon naan in kam̧ool ekadu jān juon ripālele jān Blackfoot, Idaho, USA. Naan in kamool eo aer, raar kōmeļeļeik ta eo Bok in Mormon im etke eaorōk. Raar kwaļo̧k juon naan in kam̧ool ekadu bōtaab ekajoor kōn bok eo, im raar kajjitōk ippān eo ej riiti n̄an jar n̄an jeļā eļan̄n̄e ekar m̧ool.
Naan ko aer raar ļam waan, bōtaab ennaan eo aer kar kajju n̄an būruō. Bōlen ripālele in kar kōttōpar eo aer bwe naan in kam̧ool eo aer en riiti jān ro me rejjab jān kabun̄ in ad. Bōlen raar leļo̧k bok in n̄an juon eo rejeļā kajjien. Wōn ejeļā jete kōttan an etal jān juon pā n̄an bar juon ak ewōr jete m̧aiļ ko in an kar itok itak n̄an an pād ilo ļaiprāre eo an university eo?
Ke ikar jibwe bok eo lo peiū, jetōb eo ekar kobrak būruō. Ium̧win juon iien, ikar en̄jake an eddo ko aō jakoļo̧k ilo okmāņeņ in iakwe eo an Rilo̧mo̧o̧r.
Raan jab eo ilo ļaiprāre eo ej wōnm̧aanļo̧k wōt n̄an kakeememej eō kōn kōjeraam̧m̧an ko ij būki jān riiti Bok in Mormon im kōn aorōk eo an kwaļo̧k naan in kam̧ool eo aō kake. Naan in kam̧ool ko ad remaron̄ in bun̄it “ijo ko re dekāke”ak “ ioon bwidej em̧m̧an”(lale Matu 13:3-9), bōtaab ej aorōk bwe jen kwaļo̧k er. Anij enaaj kanooj lale bwe ren etal ilo iien eo ejim̧we, ilo jikin eo ejim̧we im n̄an armej ro rekkar.