Ավետարանի հիմունքները

Անկումը Աստծո ծրագրի մասն էր

Անկման պատճառով մենք գալիս ենք երկիր, բայց մի օր կարող ենք վերադառնալ և ապրել մեր Երկնային Հոր հետ:

Նկար

Adam and Eve holding their infant child

Ադամն ու Եվան Եդեմի պարտեզում, Ռոբերտ Թ․ Բարեթ, Ադամն ու Եվան դուրս վռնդվեցին պարտեզից, Գարի Լ․ Կապպ, պատճենահանման ենթակա չէ, Ադամն ու Եվան, Ջեյ Բրայընթ Վորդ, Հարություն, Հարրի Անդերսոն

Եդեմի պարտեզում Աստված պատվիրել է Ադամին ու Եվային չուտել բարու և չարի գիտության ծառի պտուղը: Ապա Նա ասել է նրանց․ «Դու կարող ես ընտրել քեզ համար, … սակայն, հիշիր, որ ես արգելում եմ դա» (Մովսես 3․17)։ Սատանան գայթակղեց Եվային, որ ուտի ծառի պտուղը: Նա նրան ասաց․ «Դուք աստվածների պես կլինեք՝ բարին և չարը գիտեցող» (Մովսես 4․11)։ Նա կերավ պտուղը, ապա տվեց նաև Ադամին: Աստված նրանց դուրս հանեց Եդեմի պարտեզից:

Անկում

Նկար

Adam and Eve leaving the Garden of Eden

Երբ Ադամն ու Եվան հեռացան Եդեմի պարտեզից, նրանք այլևս Աստծո ներկայության մեջ չէին: Աստծուց այս անջատումը կոչվում է հոգևոր մահ։ Այգուց դուրս գալը նշանակում էր նաև, որ Ադամն ու Եվան մահկանացու դարձան և այդպիսով ենթակա էին մահվան: Չնայած Ադամն ու Եվան այլևս Աստծո հետ չէին և մահկանացու էին, նրանք ուրախ էին և հուսով լցված, երբ տեսան, որ կարող են առաջընթաց ունենալ (տես Մովսես 5․10-11)։ «Ադամն ընկավ, որպեսզի մարդիկ լինեն, և մարդիկ կան, որպեսզի ունենան ուրախություն» (2 Նեփի 2.25)։

Փորձվելու ժամանակը

Երբ մենք ծնվում ենք, ապրում ենք Աստծուց հեռու, ինչպես Ադամն ու Եվան էին անկումից հետո: Սատանան գայթակղում է մեզ սխալ ընտրություններ կատարել: Այս գայթակղությունները թույլ են տալիս մեզ փորձվել և ընտրել ճշտի ու սխալի միջև (տես Ալմա 12․24)։ Ամեն անգամ, երբ մենք մեղք ենք գործում և չենք ապաշխարում, մենք ավելի ենք հեռանում Երկնային Հորից: Բայց եթե ապաշխարենք, մենք ավելի կմոտենանք մեր Երկնային Հորը:

Ֆիզիկական մահ

Երկիրը ստեղծվել է մեզ համար (տես 1 Նեփի 17․36)։ Անկումը հնարավոր դարձրեց, որ Ադամն ու Եվան կատարեն Աստծո տված՝ երեխա ունենալու պատվիրանը՝ թույլ տալով մեզ ֆիզիկական մարմնով գալ երկիր: Մեր մարմինը մի օր կմահանա, բայց մեր հոգին կշարունակի ապրել: Երբ մենք հարություն առնենք, մեր մարմինն ու հոգին կվերամիավորվեն։

Փրկվել Հիսուս Քրիստոսով

Նկար

The resurrected Jesus Christ appearing to Mary Magdalene at the empty tomb

Հիսուս Քրիստոսի քավիչ զորության շնորհիվ մենք կարող ենք հաղթահարել ֆիզիկական և հոգևոր մահերը: Քանի որ Քրիստոսը հարություն է առել, յուրաքանչյուր ոք, ով ծնվում է այս երկրի վրա, հարություն է առնելու և հավերժ ապրելու է։ Եվ քանի որ Քրիստոսը տառապել է մեր մեղքերի համար, մենք կարող ենք ապաշխարել և ներվել, որպեսզի կարողանանք նորից ապրել մեր Երկնային Հոր հետ: