Ua I Ai le Ekalesia Iinei

Lisbon, Potukale

O mauga tifato, auala vaapiapi, ma taavale nofoaafi ua taatele i le ogatotonu o le laumua o Potukale. O se paranesi o Le Ekalesia a Iesu Keriso o le Au Paia o Aso e Gata Ai sa faatulagaina i Lisbon i le 1975, ma ua tuputupu ae le aofai o tagata o le Ekalesia talu mai lena taimi. I le taimi nei, o le Ekalesia i Potukale ua i ai le:

• (pe tusa ma le) 45,600 tagata auai

• 7 siteki, 1 le itu, 59 uarota ma paranesi, 1 misiona

• 24 nofoaga autu o talafaasolopito o aiga, 1 malumalu

Matou te Fausia le Alofa Faaleaiga

I Vila Nova de Gaia, i saute o le aai o Porto, sa savavali ai Reginaldo Cruz ma lona aiga ma talanoa faatasi. “E pei lava ona outou fausia se fale i le tasi le piliki i le taimi,” o le tala lea a Reginaldo, “matou te fausia le alofa faaleaiga i le tasi le laa i le taimi.”