Sau, Mulimuli Mai ia te Au

Salamo 51

O A ni Mea e Mafai ona Aoao mai e le Salamo 51 ia i Tatou e uiga i le Salamō?

O le a se mea e mafai ona tatou aoaoina e uiga i le salamō e ala i le suesueina o aioiga a Tavita i le Salamo 51? Sa ia faailoa atu lana agasala (fuaiupu 3–4) ma tatalo mo le alofa mutimutivale (fuaiupu 1), faamamaina (fuaiupu 2), ma “se agaga sa‘o” (fuaiupu 10). Sa ia iloaina le taua o “se loto momomo ma nutimomoia” (fuaiupu 17). Sa manao o ia e “aoao atu ala [o le Alii] i e solitulafono” (fuaiupu 13).

Mafaufau i vaega taua nei o le salamō:

• Faatuatua i lo Tatou Tama Faalelagi ma Iesu Keriso

• Faanoanoa mo le agasala

• Ta’uta’u atu

• Lafoaia o le agasala

• Toe faaleleia

• Ola i le amiotonu

Faamagaloga

Elder Gerrit W. Gong

“Pe a tatou salamo, pe a tatou ta’uta’u atu ma lafoa’i a tatou agasala, ua fetalai mai le Alii Na Te le toe manatuaina lava [tagai Mataupu Faavae ma Feagaiga 58:42–43]. E le faapea Na Te faagalo; ae, i se ala ofoofogia, e peiseai Na Te filifili e le toe manatuaina, e faapena foi i tatou.”

Elder Gerrit W. Gong o le Korama a Aposetolo e Toasefululua, “Toe Faatuatuaina,” Liahona, Nov. 2021, 98.

Talanoaga

O le a le sini o le salamō? (tagai Salamo 51:10–12; Autu o le Talalelei, “Salamō,” topics.ChurchofJesusChrist.org).